Փաստ ինֆո

«Քանի դեռ մենք Հայաստանում և Արցախում ունենք այսպիսի իշխանություն, Ադրբեջանն անելու է մաքսիմումն, ինչ ցանկանում է։ Ես էլ նրանց փոխարեն լինեի՝ նույնը կանեի»,- «Փաստինֆո» լրատվականի հետ զրույցում ասում է արցախյան առաջին, երկրորդ և երրորդ պատերազմների մասնակից Շահե Աճեմյանը։

Ազատամարտիկը նկատում է՝ նույն այս իրավիճակը կրկնվել է 1992 թ.՝ Շուշիի ազատագրումից առաջ, միայն, ի տարբերություն այսօրվա, այն ժամանակ հայը արժանապատվորեն ոտքի կանգնեց և հաղթահարեց իր առջև ծառացած բոլոր մարտահրավերները՝ կերտելով փառահեղ մի հաղթանակ. «Հայը քարից հաց քամող է, արցախցին՝ քարից ոչ միայն հաց, այլև օղի ու օշարակ կարող է քամել։ Հիմա օճառից ավելի սահուն օրվա այս իշխանութունները հայի այս տեսակին ծնկի են բերել և նրանց թվում է, թե այսպես էլ մնալո՞ւ է…Ես մի կանխատեսում ունեմ՝ Փաշինյանին և Արայիկ Հարությունյանին Մուսոլինիից ու Չաուշեսկոներից ավելի սարսափելի ավարտ է սպասվում», -ասում է Շահե Աճեմյանը։

Ազատամարտիկը պատմում է՝ դեռևս արցախյան առաջին գոյամարտից է ճանաչում Արայիկ Հարությունյանին, որպես «իսկական մի ս...ի, ապուշ ծաղրածուի դեմքով մեկին»։ «Իմ ու «Խաչակիրներ» ջոկատի հրամանատար Կարո Քահքեջյանի նվիրած զինվորական համազգեստի գրպաններում արևածաղիկի սերմեր լցրած Արայիկ Հարությունյանն առաջին գոյամարտի տարիներին շրջում էր Ստեփանակերտում ու անհոգ արևածաղիկի սերմեր կեղևազրկում՝ չնայած Արցախի Ազգային Անվտանգության Ծառայությունում մեծատառով ու կարգին եղբայր ուներ։ Հիմա սա դարձել է նախագահ ու Արցախի հետ անում է այն, ինչ տեսնում ենք։ Արցախցիների ամենամեծ մեղքն ու սխալը, հավանաբար, սրան նախագահի պաշտոնում ընտրել էր, որ այսպիսի ողբերգական հետևանքներ ունեցավ մեր Հայրենիքի համար»,- ասում է Շահե Աճեմյանը։

Հարցին՝ ի՞նչ կարող է կատարվել Արցախում, եթե Ալիևը կյանքի կոչի իր հեթրական սպառնալիքը՝ «Վրեժ – 3» ծրագիրը, Շահե Աճեմյանը պատասխանում է՝ պատերազմի դաշտում թե՛ հայաստանցին, թե՛ արցախցին, ցլի նման կռվողներ են.«Եվ եթե նորից պատերազմ սկսվի, ինչը, կարծես, սարերի հետևում չի, էլի մենք ենք գնալու թուրքի դեմ կռիվ տալու։ Ճեղքելով կոտրելու ենք թուրքի դրած անցակետն ու մտնելու ենք Արցախ՝ պաշտպանելու մեր հողն ու Հայրենիքը, այլ տարբերակ չի կարող լինել և սրանում ո՛չ Ալիևը, ո՛չ նրա համախոհ – գործընկերներ Փաշինյանն ու Արայիկ Հարությունյանը չպետք է կասկածեն։ Պատերազմը կսկսվի՝ կտեսնեն, թե ինչ կանենք»,- ասում է Շահե Աճեմյանը։

Թե ի՞նչ դիրքորոշում կորդեգրեն մեր դաշնակից և հարևան պետություններն՝ Իրանի Իսլամական Հանրապետությունն ու Ռուսատանի Դաշնությունը, եթե Հայաստանում և Արցախում նոր պատերազմն պայթի, ըստ Շահե Աճեմյանի՝ ռազմաքաղաքական օգնություն նրանց կողմից, անպայման կլինի.«Թե՛ Իրանը, թե՛ Ռուսաստանի Դաշնությունը թույլ չեն տա, որպեսզի այս տարածաշրջանում գերակա դիրք գրավի թուրք – ադրբեջանական տանդեմը և նրանք, անպայման, իրենց մասնակցությունը կունենան այդ կռվի։ Իհարկե, հայաստանյան և արցախյան իշխանությունների հետ որևէ մեկը ոչ միայն չի ցանկանում դաշնակցել, այն էլ՝ բախտորոշ պատերազմի պարագայում, որովհետև նրանք ընկալվում են որպես կամազուրկ անողնաշարներ, սակայն, աջակցություն՝ հայկական կողմին մեր դաշնակիցներից կլինի։ Չեմ բացառում, սակայն, որ այդ աջակցությունը, որոշ դեպքերում, կարող է լինել ոչ բացահայտ՝ միջնորդավորված, ինչպես որ առաջին արցախյան գոյամարտի տարիներին էր։ Անձամբ ես՝ իմ խրամատում նստած, ավտամատս լիցքավորում և կրակում էի պարսակակն արտադրության փամփուշտներով…Կարծում եմ, նույն իրավիճակը կկրկնվի, միայն թե այս իշխանություններից օր և վայրկյան առաջ պետք է ազատվել։ Սրանց հետ ոչ ոք լուրջ բանակցութունների կամ պատերազմի մեջ չի մտնի՝ որպես դաշնակից։ Սրանց ոչ ոք չի ընկալում որպես հուսալի կամ պրո հայկական դիրքորոշում ունեցող ուժերի։ Սա է մեր ամենամեծ ողբերգությունն այս պահին, ոչ թե պատերազմը կամ դրա վերսկսման վտանգը»,- ասում է Շահե Աճեմյանը։

Աղբյուր` Փաստինֆո