Փաստ ինֆո

Անընդունելի եմ համարում ԱՄՆ դեպանի հայտարարությունը, թե արցախահայերը կարող են խաղաղ համակեցությամբ ապրել Ադրբեջանի կազմում, սակայն, Հանրային հեռուստաընկերության եթերում ԱՄՆ դեսպանն ասել է՝ հույս ունի և հավատում է, որ այդ համակեցությունը հնարավոր է,- «Փաստինֆո» լրատվականի հետ զրույցում, ասել է Հայաստանի Եվրոպական կուսակցության ղեկավար Տիգրան Խզմալյանը:

Նրա խոսքով`այստեղ երկու հանգամանք կա, նախ կարևոր է հայկական կողմի գործելաոճը, որ պետք է շարունակի համոզել, որ դա հնարավոր չէ, և երկրորդ՝ հայաստանյան կողմը պետք է իր նախապայմանը դնի ու պնդի՝ նմանօրինակ որևէ համակեցություն հնարավոր է միայն միջազգային զինված խաղաղապահների տեղակայման պարագայում, ինչպես Կոսովոյում և Հյուսիսային Կիպրոսում։

Հարցին՝ երբ ԱՄՆ-ն պատժամիջոցներ չի կիրառում Ադրբեջանի դեմ, արդյո՞ք դրանով չի՞ խրախուսում հակամարտությունը ռազմնական ճանապարհով լուծելու վերջիններիս քաղաքականությունը, Տիգրան Խզմալյանը պատասխանում է՝ նման դեպքերում, նախ, պետք է հարցնել, թե ինչո՞ւ ԱՄՆ-ն պատժամիջոցներ չի կիրառում։ Պատասխաններն, ըստ Խզմալյանի, կարծես, թե մեզ հայտնի են, սակայն, մենք գերադասում ենք դրանք շրջանցել. «Նախ, Արցախի ընտրված իշխանություններն աշխարհի առաջ կոչ են արել ԱՄՆ-ում որևէ բանակցություն չիրկանացնել, այսինքն՝ ընդհատել բանակցային գործընթացը, իսկ դրան շատ բուռն և մեծ գոհունակությամբ արձագանքեցին Մոսկվայում և Բաքվում։ Երկրորդ հերթին՝ պետք է տեսնել, որ Հայաստանը շարունակում է մնալ ՌԴ-ի և դրա ռազմաքաղաքական դաշինքի կողմնակիցը, անգամ՝ գլխավորելով այն, իսկ Ադրբեջանը շատ լավ օգտագործում է դա` հայտարարելով, որ պաշտպանում է իր տարածքային ամբողջականությունը»։

Խզմալյանի խոսքով` ինքն այս մասին, արդեն զգուշացրել է, սակայն, մեկ անգամ էլ կկրկնի՝ Ադրբեջանը պատրաստվում է հարձակվել Արցախում գտնվող ռուս խաղաղապահների վրա. «Դա տեղի կունանա այն բանից հետո, երբ ռուսական կողմը խոշոր պարտություն կկրի ուկրաինական ճակատում։ Կանխատեսվում է, որ հաջորդ, իսկ օրն, Ադրբեջանը՝ ռուսական զավթիչ բանակի և նրանց օգնող հայ սեպարատիստների դեմ (ինչպես ադրբեջանականկողմն է նրանց բնորոշել) ազատագրական պայքար կսկսի։ Որպես դրա համար պատրաստվող հող, Ադրբեջանն, ընդամենն օրեր առաջ հայտարարեց, որ հայ գրոհայինները ռուսական բանակի համազգեստ են հագնում։ Այսինքն, Ադրբեջանն, արդեն իսկ, փորձում է նույնականացնել Արցախի ինքնապաշտպանական ուժերին և ռուսական զորքին,ինչի աղետալի հետևանքներին մենք շուտով ականատես կլինենք։ Կրկնեմ՝ Ուկրաինայի խոշոր հաղթանակից հետո, նրանք հարձակվելու են խաղաղապահ կոչվող զորախմբի և Արցախի ինքնապաշտպանական ուժերի վրա։ Այս սցենարը թույլ չտալու համար, մենք պետք է, օր առաջ, Արցախից և Հայաստանից հեռացնենք ռուսական զորքն ու զորամիավորումը»։
Հարցին՝ ի՞նչ կարող է պատահել, արդեն, ավելի քան 200 օր տոտալ շրջափակման մեջ հայտնված արցախցիների կյանքի և անվտնագության հետ, ովքեր վերջին մեկ ամսում, նույնիսկ, սովի մատնվելու սպառնալիքի տակ են հայտնվել, այն պարագայում, երբ, մյուս կողմից Ադրբեջանի նախագահը պահանջում է լուծարել Արցախի Պաշտպանության բանակը, մյուս կողմից արգելելում, որպեսզի հայկական զորքը ոտք դնի Արցախ, ու նաեւ չլինեն ռուս խաղաղապահները` Տիգրան Խզմալյանը պատասխանում է՝ այդ ժամանակ մենք աջակցություն կստանանք Արևմուտքից։

Պատասխանելով մեկ այլ հարցի՝ ի՞նչ գործուն քայլ է իրականացրել Արևմուտքն այն պարագայում, երբ ավելի քան 200 օր տոտալ շրջափակման մեջ հայտնված արցախցիներն արդեն սովի մատնվելու սպառնալիքի տակ են Խզմալյանը պատասխանում է՝ Արևմուտքն իր դիտորդների միջոցով խաղաղության մեջ է պահում մեր հարավային և արևելյան սահմանը։ Այնտեղ, որտեղ կանգնած են ԵՄ դիտորդները, ըստ Խզմալյանի, հայ զինվորներ չեն զոհվում։

Լրագրողի նկատառմանը, թե ԵՄ դիտորդներն իրենք են հայտարարել, թե Հայաստանում իրենց դիտորդական առաքելությունն իրականացնում են միայն գրիչներով և տեսախցիկներով զինված, Տիգրան Խզմալյանը հակադարձում է՝ եթե չեք նկատել՝ բացի գրիչներից և տեսախցիկներից, առկա են նաև ԵՄ դրոշները, որոնք բավական են, որպեսզի ադրբեջանցիներն ու ռուսները չհարձակվեն ՀՀ սահմանների վրա։ Նույնը պետք է ապահովել նաև Արցախի համար, ասում է Խզմալյանը և հավելում՝ եթե, իհարկե, իրենց Արցախի իշխանություն հռչակող մարդիկ այդ գործին չխանգարեն։

Պատասխանելով լրագրողի կրկնող և հստակեցնող հարցին՝ կոնկրետ ի՞նչ է արել Արևմուտքը՝ սովի և Ցեղասպանության ճիրաններում հայտնված Արցախի համար, Հայաստանի Եվրոպական կուսակցության ղեկավար Տիգրան Խզմալյանը, թերևս, ամենաանսպասելի պատասխանն է հնչեցնում՝ այն, ինչ Արցախ է մտնում որպես հումանիտար օգնություն, իրականացվում է միայն և բացառապես Արևմուտքի մաս կազմող «Կարմիր Խաչ»-ի միջոցով։

Լրագրողի նկատառմանը, թե բանախոսը թյուր և իրականությանը չհամապատասխանող տեղեկություններ ունի, որոնք նաև տարածում է, Տիգրան Խզմալյանը պատասխանում է՝ իր ունեցած տեղեկությունները հավաստի են, իսկ ինքը՝ պատասխանատու իր աղբյուրների համար։

Աղբյուր` Փաստինֆո