Փաստ ինֆո

Իտալացի քաղաքական գործիչը պարծեցել է, որ սեռական հարաբերությունների մեջ է եղել հարյուրավոր կանանց հետ, առնանդամն անվանել է «ճանաչողության օրգան» և հրաժարվել է հրաժարական տալ: Այս մասին հայտնում է Daily Սթար-ը:

Սկանդալը բորբոքվել է արվեստի պատմաբան և երկրի մշակույթի փոխնախարար Վիտորիո Զգարբիի շուրջ։ Ելույթ ունենալով Հռոմի 21-րդ դարի արվեստի ազգային թանգարանում՝ 71-ամյա տղամարդը ելույթ է ունեցել, որում, մասնավորապես, հայտարարել է, որ «ամսական մոտ 9 կնոջ հետ սեռական հարաբերություն է ունեցել», իսկ ընդհանուր առմամբ ավելի քան մեկուկես հազար սիրուհի է ունեցել: Բացի այդ, Զգարբին առնանդամը անվանել է ճանաչողության գործիք։ «Ի վերջո ներթափանցումն անհրաժեշտ է հասկանալու համար», - ասել է փոխնախարարը:

Տղամարդու դեմ անմիջապես բողոքներ են գրել թանգարանի աշխատակիցները, իսկ «հինգ աստղերի շարժում» կուսակցության ներկայացուցիչները նրանից պահանջել են անհապաղ հրաժարական տալ: Իտալիայի մշակույթի նախարար Ջենարո Սանջուլիանոն դիմել է մշակութային հաստատությանը՝ խնդրելով հայտնել դեպքի բոլոր մանրամասները և հայտարարել, որ թանգարանը նման գռեհկությունների վայր չէ: Զգարբին, իր հերթին, ասել է, որ ինքնակամ չի հեռանա, որ իր դեմ քարոզարշավ են կազմակերպել «ձախերը», իսկ առնանդամին ուղղված իր ձոնում նա պարզապես մեջբերել Է ֆրանսիացի գրող Միշել Ուելբեքին:

Վիտորիո Զգարբին Իտալիայում հայտնի է որպես Սիլվիո Բեռլուսկոնիի մեծ երկրպագու և ընկեր, ում օրոք առաջին անգամ սկսել է աշխատել նախարարների կաբինետում 2001 թվականին: Միևնույն ժամանակ, նա հեղինակավոր արվեստի քննադատ է և հաճախ հեռուստատեսությամբ հաղորդումներ է վարել մշակույթի մասին:

Աղբյուր` Փաստինֆո