Փաստ ինֆո

Տեղի ՔՊ-ական համայանքապետը ցանկանում է սեփականաշնորհել տեղի ավազահանքը. Մասիս Զեյնալյան» վերտառությամբ «Փաստինֆո» -ի 29.06.2023 թ. հրապարակըւմից հետո Տեղ համայնքի ավագանու ընդդիմադիր անդամ Մասիս Զեյնալյանը հրավիրվել է Գորիսի Ոստիկանության բաժանմունք՝ պարզաբանում տալու՝ ավազահանքի, ինչպես նաև քանդված ջրավազանի վերաբերյալ հաղորդած տեղեկություններ հետքերով։

Այս մասին այսօր լրատվականին փոխանցել է ինքը՝ Մասիս Զեյնալյանը և հավելել. «հոդվածը հրապարկվելու հաջորդ օրն ինձ զանգահարեցին Գորիսի Ոստիկանությունից և ասեցին, որ պետք է ներկայանամ բաժանմունք, որովհետև ինչ – որ օրենքներ են փոփոխվել, ըստ որի՝ ջրավազանի կամ ավազահանքի թեմայով հրապարակումներ անելու առիթով, ես պետք է Ոստիկանությունում գրավոր հաղորդում ներկայացնեմ, հակառակ պարագայում, գործը՝ բողոքի բացակայության հիմքով, կկարճվի։ Ես ասեցի, որ որևէ խնդիր չկա և, արդեն իսկ, Ոստիկանության բաժանմունքում ներկայացրել եմ իմ գրավոր հաղորդումը։ Փոխանակ խնդիրը լուծելով զբաղվեն`ընկել են պարզաբանումների, գրավոր դիմումների հետևից։ Իբր, այն որ, հարցը բարձրացրել եմ, դեռևս, փաստ չէ, պետք է դիմում գրեմ, որպեսզի իրավիճակը Ոստիկանության վերահսկողության տակ անցնի, իրենք էլ գնան, փաստերը ստուգեն»,- ասում է Զեյնալյանը։

Նրա փոխանցմամբ` արդեն 1,5 տարի է, ինչ ջրավազանը քանդված վիճակում է, թվով յոթը գյուղ, կարելի է ասել, զրկվել են խմելու ջրից, ջուր՝ օրը մեջ կամ, լավագույն դեպքում, ժամով են ստանում, իսկ համայնքապետարանն իր դրսևորած այսօրինակ անգործության համար ոչ միայն վճարվում, այլ, պարբերաբար, նաև շռայլ պարգևավճարներ է սահմանում իր աշխատակիցների համար.«Ահա, այսպիսի վիճակում ենք հայտնվել մենք։ Արդեն տևական ժամանակ բարձրաձայնում ենք, որ ավագանու աշխատանքների լիարժեք կատարման համար, օրենքով սահմանված կարգով, փորձագետի ներգարավման խիստ կարիք կա, սակայն, համայնաքապետարանը համառորեն պատասխանում է՝ բյուջեյում գումար չկա։ Ամենամսյա և եռամսյակային պարգևավճարների շռայլության համար համայնքապետարանի բյուջեում գումար կա, մյուսների համար՝ չկա։ Իսկ երբ համայնքապետին հարցնում ես՝ գյուղն այսքան կարիքների տակ կքված, ի՞նչ հիմնավորմամբ եք շռայլ պագևավճարներ բաժանում, ասում է՝ ինքը լավ է աշխատում, պարգևավճար եմ տալիս»,- նշում է Զեյնալյանը։

Բանախոսը նկատում է՝ համայնքում արձանագրված բազմաթիվ այլ ապօրինությունների և օրինախախտումների մասին, դեռևս, չի բարձրաձայնել, բայց իրավիճակն, արդեն հանդուրժելու չէ, երևույթներն իրենց անուններով կոչելու ժամանակն է եկել. «Ընդամենը մեկ օրինակ բերեմ՝ 44 օրյա պատերազմից հետո, գյուղին օգնություն է փոխանցվել՝ 340 զույգ կարճաճիթ կոշիկներ։ Այն աստիճան տգետ են, որ չեն կարողացել, գոնե, ճիշտ գրեն անվանումը՝ կարճաճիթ կոշիկ, գրել են բադինկա։ Կոշիկները ստացել է համայնքապետի տեղակալ՝ Արամ Միրզոյանը։ Հիմա ես հարց եմ տալիս՝ որտե՞ղ են գտնվում դպրոցի պահեստում պահվող 340 զույգ կարճաքիթ կոշիկները, թող քննություն իրականացնեն, պարզեն և հրապարակեն, որ մարդիկ էլ իմանան ճշմարտությունը։ Այս ամենից հետո, ես ունեմ բոլոր իրավունքները՝ պահանջելու Տեղ համայնքի ղեկավար Դավիթ Ղուլյանի հրաժարականը և պահանջում եմ, որպեսզի նա հրաժարական ներկայացնի»,- զայրացած ասում է Տեղ համայնքի ավագանու ընդդիմադիր անդամ Մասիս Զեյնալյանը և հավելում՝ դեռևս մեկ, մեկ ու կես տարի առաջ հարց է բարձրացրել՝ ի՞նչ իրավունք ունի հոգեդիսպանսերում գրանցված Դավիթ Ղուլյանը համայնքապետ աշխատի։ Զեյնալյանն ասում է՝ երբ առաջին անգամ այս խնդրի մասին բարձրաձայնեց, ծածկադմփոց արեցին, որ լուրը չտարածվի, որի արդյունքն էլ այն է, ինչ կա՝ ծայրահեղ կարիքների և ապօրինությունների մեջ թաղված համայնք, որոնց լուծման ուղիները, դեռևս ոչ մի կերպ չեն երևում։

Աղբյուր` Փաստինֆո