Փաստ ինֆո

Ծովամթերքները և միսը պարունակում են մեծ քանակությամբ տաուրին՝ նյութ, որը կապված է երիտասարդության և երկարակեցության հետ։ Այս մասին ամերիկյան սննդաբան Լիզա Յանգը պատմել է New York Post պարբերականին։

Փորձագետը նշել է, որ տաուրինն իրենից ներկայացնում է հակաօքսիդանտ և հակաբորբոքային միջոց: Այն օգնում է մարսողությանը և էներգիայի արտադրությանը, մասնակցում է իմունիտետի աշխատանքին, ինչպես նաև անհրաժեշտ է ուղեղի, տեսողության, նյարդային և մկանային համակարգերի պատշաճ գործունեության համար: Ընդ որում, նրա խոսքով, տարեցների մոտ տաուրինի մակարդակը շատ ավելի ցածր է, քան երեխաների եւ երիտասարդների, ինչը, մասնագետի կարծիքով, կարող է կապված լինել ծերացման նշանների եւ հիվանդությունների առաջացման հետ:

Տաուրինը կարելի է գտնել որոշ սննդամթերքներում, ասում է Յանգը: Միդիաները, ծովախեցգետինները, ութոտնուկները և ոստրեները հատկապես հարուստ են դրանով: Այն հանդիպում է նաև մսի բոլոր տեսակների և նորի ջրիմուռների գրեթե բոլոր տեսակների մեջ, որոնք օգտագործվում են սուշի պատրաստելու համար: «Վեգանները պետք է ընդունեն տաուրինի հավելումներ՝ օրգանիզմում նյութի մակարդակը պահպանելու համար», — խորհուրդ է տվել սննդաբանը: Սակայն պետք է զգույշ լինել, քանի դեռ մենք չենք ունենա ավելի շատ տվյալներ, որոնք կհաստատեն այս մեթոդի արդյունավետությունն ու անվտանգությունը»։

Յանգը նախազգուշացրել է էներգետիկ ըմպելիքների միջոցով տաուրինի պակասը լրացնելու փորձերի մասին՝ այդ նյութի հավելումով: Գերդոզավորումը կարող է լուրջ կողմնակի բարդություններ առաջացնել, ասում է նա: Բացի այդ, էներգետիկները վնասակար են դրանց բաղադրության մեջ շաքարի և կոֆեինի մեծ քանակի պատճառով։

Աղբյուր` Փաստինֆո