Փաստ ինֆո

ՀՀ վարչապետ Նիկոլ Փաշինյանն այսօր կասկածի տակ է դրել 44 օրյա պատերազմի ընթացքում ՀՀ ԳՇ նախկին պետ Մովսես Հակոբյանի՝ հրամանատարական կետում (բունկերում) գտնվելու իրավունքը։ Ըստ նրա՝ ուսադիր ունենալը դեռ չի նշանակում, որ այդ անձը կարող է գտնվել բունկերում, դրա համար անհրաժեշտ էր հրաման։

Փաշինյանը հայտնեց, որ Հակոբյանը, լինելով Ռազմական վերահսկողության վարչության պետ, ռազմական դրության պայմաններում չի եղել իր աշխատավայրում։
«Ինձ եկավ տեղեկություն, որ որոշում է կայացվել ԼՂ ՊԲ 7-րդ պաշտպանական շրջանը պետք է էվակուացնել։ Կապ հաստատեցի ԼՂ գործընկերներիս հետ։ Խոսեցի ԼՂ նախագահի հետ, հետո խոսեցի ՊԲ հրամանատարի հետ։ ՊԲ հրամանատարն ինձ ասեց, որ, ինքն ասում էր Մովսես Գրանտիչն է այդ ռեկոմդացիան տվել»,- ասաց նա։

Փաշինյանի խոսքով՝ դրանից հետո Արցախի նախագահը գնացել է 7—րդ պաշտպանական շրջանում առկա իրավիճակը գնահատելու։
«Եթե սխալ գիտեմ, ապա, խնդրում եմ ուղղել ինձ։ Արեգասար բարձունքը նույնպես այդ տարածքում՝ 7-րդ պաշտպանական շրջանում է։ այդ բարձունքի հետ կապված մենք դրվագ ունենք, երբ ադրբեջանցիները գրավում են, հետո մերոնք տեղում կողմնորոշվելով, առանց վերևից եկած հրահանգի, հակագրոհ են ձեռնարկում և հետ վերցնում։ Եվ մեր գեներալներից մեկն ասում է՝ իջեցրեք զորքը»,- ասաց նա։

Փաշինյանի այս հայտարարությունից հետո ԱԺ քննիչ- հանձնաժողովի նախագահ Անդրանիկ Քոչարյանը ուղիղ եթերում Մովսես Հակոբյանին հրավիրեց հանձնաժողով՝ դիրքրոշում հայտնելու։

Մանրամասները՝ տեսանյութում

Աղբյուր` Փաստինֆո