Փաստ ինֆո

Նախկին իշխանությունների սխալն այն էր, որ թույլ տվեցին Ադրբեջանի հզորացումն ու «ծակ Նիկոլի» գոյության հնարավորությունը։ Լրատվամիջոցների հետ հանդիպմանն այս մասին հայտարարեց ՀՀ նախկին արտաքին գործերի նախարար, «Ժառանգություն» կուսակցության հիմնադիր Րաֆֆի Հովհաննիսյանը։ Անդրադառնալով Փաշինյանի հայտարարություններին՝ միջազգային հարթակների արձագանքի վերաբերյալ՝ ՀՀ նախկին արտգործնախարարը հայտնեց, որ դա կարող է տարբեր լինել՝ կախված իրավիճակներից ու ժամանակահատվածից ու տվյալ ժամանակահատվածի օրակարգային խնդիրներից։

«Երբ ես 1992 թվականի մարտին, Ֆինլանդիայի մայրաքաղաք Հոլսինկիում ընդունեցի ԵԱՀԽ միջնորդությունը՝ դա արեցի Հայաստանի, Լեռնային Ղարաբաղի և Ադրբեջանի ընտրված ներկայացուցիչների մասնակցությամբ։ Ապագայում արդեն պետք է ունենայինք Մինսկի ժողով, որը պետք է ճշտեր ԼՂ կարգավիճակը»,- հիշեցրեց նա։

Այդ ժամանակ, ըստ նրա, հայկական կողմն ընդունեց այն կազմակերպությունը, որտեղ Հայաստանն ուներ վետոի իրավունք։ Իր խոսքով՝ Հայաստանի նախագահն ավելի ուշ օգտվել է այդ իրավունքից՝ թույլ չտալով միջազգային հանրությանը դեմ գնալ Հայաստանի շահերին։ Րաֆֆի Հովհաննիսյանը համոզմունք հայտնեց, որ միջազգային հանրության այդ օրվա որոշումը դեռևս դատավճիռը չէ։ Ըստ նրա՝ դրան հաջորդել է նաև Բուդապեշտի որոշումը, եղել է նաև եռակողմ զինադադարի մասին որոշում։

«Եվ երբ խոսում են ԱԽ բանաձևերի մասին, այո՛, պետք է աշխատել կանխել դրանք, բայց դրանց կատարված լինելու պարագայում պետք է դա ընդունել որպես մի շարժընթաց, որոնք ուղղված էին հրադադարի... ադրբեջանցիները չէին ուզում գնալ հրադադարի, և հայկական ուժերը, որոնք ինքնապաշտպանվում էին, պարզ է, որ դա պետք է անեին ոչ թե նահանջելով, այլ առաջ գնալով։ դրանք, իհարկե, նույնպես անցանկալի են, բայց կրկին դատավճիռ չեն։ Իսկ դու (դիմում է Նիկոլ Փաշինյանին- խմբ.) նստած այդտեղ... այդ վարչապետի վիզիտնին, որ այլևս լեգիտիմություն չունի, կարծում ես՝ միակն ես ամբողջ հայոց պատմության ընթացքում, որ անցյալի շղթաները թոթափած կարող ես ճշմարտությունը խոսել քո երկրի ու ժողովրդի հետ, ասել, որ սրանից հետո մենք պետք է լինենք մեր անցյալը թոթափած, մեր ապագա նայող, Արագածն ընդունող մի ժողովուրդ։ ու ոչ մի բան չես ներկայացնում... ո՛չ անցյալ, ոչ մոդեռնիզմը, ո՛չ ապագան»,- ասաց նա։

Րաֆֆի Հովհաննիսյանը Փաշինյանի այս գործելաոճը որակեց որպես Հայաստանամերժություն։

Աղբյուր` Փաստինֆո