Փաստ ինֆո

Մերկ քնելը կարող է օգնել որոշ մարդկանց բարձրացնել ինքնագնահատականը, վստահեցնում է «Բժիշկ Անիկինայի կլինիկայի» կլինիկական հոգեբան Ստանիսլավ Սամբուրսկին: Նա նշել է մերկ և հագուստով քնելու օգուտը։

Շատերը նախընտրում են քնել առանց հագուստի՝ կարծելով, որ դա բարելավում է իրենց առողջությունը, տրամադրությունն ու սեքսուալ կյանքը, պատմել է հոգեբանը: Նրա խոսքով՝ մերկ քունն ունի իր անսպասելի դրական և բացասական կողմերը։ Մի կողմից, այն օգնում է հանգստանալ, բարձրացնել ինքնագնահատականը և ամրապնդել ինտիմ հարաբերությունները զուգընկերոջ հետ:

Որոշ մարդկանց համար մերկ քնելը կարող է լինել սեր, վստահություն և մտերմություն արտահայտելու միջոց: Ուրիշների համար' իրենց սեքսուալությունը, գրավչությունն ու ցանկությունը ցուցադրելու միջոց: Երրորդի համար' ավելորդ լարվածությունից և հոգնածությունից ազատվելու միջոց։

Մյուս կողմից, մերկ քնելը կարող է սթրես, անհանգստություն առաջացնել և առողջությունը վտանգի ենթարկել: Բացի այդ, մերկ քնելը կարող է հանգեցնել հոգեբանական անհանգստության, եթե մարդը վստահ չէ իր մարմնի վրա կամ վախենում է նկատվել այլ մարդկանց կողմից:

Այնուամենայնիվ, որոշ մարդկանց համար մերկ քնելը կարող է վախի, ամոթի կամ մեղքի աղբյուր դառնալ: Դա փչացնում է նրանց տրամադրությունը, կարող է առաջացնել դեպրեսիվ վիճակ կամ նույնիսկ ագրեսիա։

Սամբուրսկին հավելել է, որ մերկ քնելը նաև բացասական կողմ ունի։ Դա կարող է հանգեցնել մարմնի հիպոթերմիայի, հատկապես, եթե դուք քնում եք սառը սենյակում կամ բարակ վերմակի տակ: Առանց հագուստի քնելու սովորությունը կարող է նվազեցնել իմունիտետը և մեծացնել մրսածության և բորբոքային հիվանդությունների հավանականությունը, ասում է նա:

Մերկ քնելը կարող է մեծացնել սեռական օրգանների ինֆեկցիաների ռիսկը, եթե քնում եք հնացած կամ խոնավ անկողնային սպիտակեղենի մեջ, կամ եթե ունեք անփույթ զուգընկեր։

Աղբյուր` Փաստինֆո