ԲՈԼՈՐ ՆՅՈՒԹԵՐԸ
ԲԴԽ-ն պահանջում է, որ հիվանդանոցում գտնվող դատավորը մեկ օրում լավանա. դատավորի նկատմամբ դրսևորվում է նվաստացնող վերաբերմունք.դատավոր Պետրոսյանը՝ Անդրեասյանին 06/21/2023 15:52 | ԼՐԱՀՈՍ
ԲԴԽ-ում այսօր շարունակվել է Վերաքննիչ քաղաքացիական դատարանի դատավոր Աստղիկ Խառատյանին, Վճռաբեկ դատարանի քաղաքացիական պալատի դատավորներ Արտակ Բարսեղյանին և Տիգրան Պետրոսյանին կարգապահական պատասխանատվության ենթարկելու վերաբերյալ գործի քննությունը՝ առանց դատավոր Արտակ Բարսեղյանի մասնակցության։
«Փաստինֆո»-ի թղթակցի հաղորդմամբ՝ նիստի մեկնարկին ԲԴԽ նախագահ Կարեն Անդրեասյանը տեղեկացրեց՝ անաշխատունակության մեջ գտնվող դատավոր Արտակ Բարսեղյանից ստացված դիմումի մասին, որով դատավորը խնդրել էր հետաձգել նիստը՝ առնվազն մինչև հունիսի 23-ը, քանի որ գտնվում է ստացիոնար բուժման մեջ։ ԲԴԽ-ն ամբողջությամբ մերժեց միջնորդությունը։
Դատավոր Տիգրան Պետրոսյանը կրկին բացարկի միջնորդություն ներկայացրեց Կարեն Անդրեասյանին։ Նշենք, որ Կարեն Անդրեասյանին բացարկ հայտնելու պահանջով նախորդ երեք միջնորդությունները ԲԴԽ-ն մերժել է։ Նոր միջնորդությունը դատավորը ներկայացրել է՝ նոր ի հայտ եկած հանգամանքներից հետո։ Մասնավորապես, նախորդ նիստի ընթացքում դատական դեպարտամենտի աշխատակիցներն այցելել են հիվանդանոց և հենց հիվանդասենյակում առձեռն փոխանցել հաջորդ դատական նիստի օրվա վերաբերյալ ծանուցումը, իսկ այսօր, ինչպես և արձանագրվեց, ԲԴԽ-ն մերժել է նիստը հետաձգելու մասին դատավոր Բարսեղյանի խնդրանքը, ինչով, դատավոր Տիգրան Պետրոսյանի գնահատմամբ՝ խախտվել է դատավորի արդար դատաքննության իրավունքը։ Պետրոսյանի խոսքով՝ անհասկանալի են մարդու իրավունքների կոպտագույն խախտումներով սույն վարույթն ամենակարճ ժամկետներում ավարտին հասցնելուն ուղղված ԲԴԽ և նրա նախագահի գործողությունները։
«Դատավորն իր դիմումում ցանկություն է հայտնել անձամբ մասնակցել դատական նիստին և պաշտպանել իր շահերը, ինչը ՀՀ դատական օրենսգիրք սահմանադրական օրենքի 153-րդ հոդվածի 1-ին մասով սահմանված նրա իրավունքն է, եւ դրա իրացման համար դատավորի կողմից ներկայացված միջնորդությունը որևէ կերպ չի կարող մեկնաբանվել որպես իրավունքների չարաշահում։ Վարույթի ընթացքը 7 օրով հետաձգելը՝ վարույթի տևողության ավելի քան 2 ամիս ժամկետի առկայության պարագայում չի կարող որևէ ազդեցություն ունենալ։ Տվյալ դեպքում՝ ԲԴԽ-ն կարող էր մասնակիորեն բավարարել դատավորի միջնորդությունը, եթե ապացույցներ ունենար, որ դատավորն իրականում առողջ է կամ կարող է մեկ օրում առողջանալ, նման ապացույցների բացակայության պայմաններում ԲԴԽ-ն չունի որևէ հիմնավորում, որ դատավորը փորձում է արհեստականորեն ձգձգել վարույթը»,- ասաց Տիգրան Պետրոսյանը՝ նշելով, որ այդ պայմաններում ԲԴԽ-ի կողմից մեկ օրում առողջանալ պարտադրելը պարունակում է նաև ԵԿ 3-րդ հոդվածի՝ խոշտանգումների արգելքի խախտում։
Դատավոր Պետրոսյանի խոսքով՝ դատավորին ծանուցագիրը հանձնվել է անմիջապես հիվանդանոցում՝ անաշխատունակության վիճակում, ընդ որում, հակառակ նրա հիվանդության բնույթի, դատավոր Բարսեղյանը ծանուցագրով պարտավորեցվել է կա՛մ մեկ օրում առողջանալ, կա՛մ չառողջանալու դեպքում մեկ օրում փաստաբանի միջոցով մասնակցել նիստին, մինչդեռ, ստացիոնար բուժման մեջ գտնվող անձը չի կարող մեկ օրում փաստաբան վարձել և ծանոթացնել նյութերին։
«Ըստ էության, դատավորն այնպիսի երկընտրանքի առջև է կանգնել, որը նսեմացնում է նրա մարդկային արժանապատվությունը։ Բացի այդ, ԲԴԽ և դրա նախագահի՝ Ձեր, գործողությունները նաև ծայրահեղ անմարդկային բնույթ են կրում։ Դրանցով դատավորի նկատմամբ դրսևորվում է նվաստացնող վերաբերմունք՝ ակնարկելով, թե նրա նշած յոթ օրվա ժամկետը ողջամիտ չէ, հիվանդությունն, իբր, իրական չէ և պատրվակ է սույն վարույթի ընթացքն անհիմն ձգձգելու համար։ Ձեր վարքագիծը ևս մեկ անգամ վկայում է այն մասին, որ Դուք կանխակալ վերաբերմունք ունեք ոչ միայն դատավոր Բարսեղյանի, այլև՝ դատավոր Պետրոսյանի նկատմամբ»,- ասաց դատավոր Տիգրան Պետրոսյանը՝ արձանագրելով, որ այդ վերաբերմունքով ևս մեկ անգամ ակնհայտ է դարձվում ցանկությունը՝ որքան հնարավոր է շուտ, թեկուզ, օրենքի խախտումներով, արագ ավարտել վարույթը։ Դատավոր Աստղիկ Խառատյանի ներկայացուցիչ Սիրանուշ Սահակյանը, դիրքորոշում հայտնելով միջնորդության վերաբերյալ, նկատեց, որ ԲԴԽ-ն կամայական և խտրական է գործում։ Սահակյանը հիշեցրեց, որ ՄԻԵԴ վճիռների հիման վրա դատավորների նկատմամբ հետադարձ ուժի կիրառությամբ վարույթ հարուցելու վերաբերյալ փոփոխություններից հետո, ԲԴԽ-ում արդեն երեկ գործ է քննվել՝ ՄԻԵԴ վճիռների վերաբերյալ, որոնցից մեկն առնչվել է «Վարդան Ջհանգիրյանն ընդդեմ ՀՀ»-ի գործով, որով դատավոր Մնացական Մարտիրոսյանին անմիջականորեն վերագրվել է խախտումներ, մինչդեռ, այդ գործով քննությունը ԲԴԽ-ում այնքան ձգվեց՝ մինչև ժամկետներն ավարտված լինելու պատճառով միջնորդությունը թողնվեց առանց քննության։ ԲԴԽ-ն խորհրդակցական սենյակում մերժեց միջնորդությունը։
Դատավոր Խառատյանի ներկայացուցիչները միջնորդեցին հետաձգել նիստը՝ պայմանավորված գործի համար էական նշանակության փաստաթղթերի հայերեն թարգմանությունն ապահովելու համար։ ԲԴԽ նիստը հետաձգվեց՝ մինչև հունիսի 28-ը, ժամը՝ 10.00-ն։
Հիշեցնենք, որ ՀՀ արդարադատության նախարարությունը ԲԴԽ ներկայացված միջնորդությամբ պահանջում է կարգապահական պատասխանատվության ենթարկել Սնանկության դատարանի դատավոր Սամվել Թադևոսյանին, Վերաքննիչ քաղաքացիական դատարանի դատավոր Աստղիկ Խառատյանին, Վճռաբեկ դատարանի քաղաքացիական պալատի դատավորներ Արտակ Բարսեղյանին և Տիգրան Պետրոսյանին՝ 14 տարի առաջ կայացված դատական ակտի համար՝ ««Շոլց ԱԳ» ընկերությունն ընդդեմ Հայաստանի» 2019թ հունվարի 24-ին հրապարակված ՄԻԵԴ վճռի հիման վրա։ Մինչ ԲԴԽ-ում կքննվեր հարցը՝ Սնանկության դատարանի դատավոր Սամվել Թադևոսյանը հունիսի 13-ին պաշտոնից ազատման դիմում է ներկայացրել, նրա լիազորությունները ԲԴԽ որոշմամբ դադարեցվել են։ Այժմ թիրախում՝ Վճռաբեկ դատարանի քաղաքացիական պալատի դատավորներ Արտակ Բարսեղյանը և Տիգրան Պետրոսյանն են, որոնց պաշտոնից հեռացնելու գործին «լծվել» են դատավոր Սուրեն Անտոնյանի լիազորությունները դադարեցնելուց հետո։ Նշենք, որ դատավոր Արտակ Բարսեղյանն օրերս տեղափոխվել էր բժշկական կենտրոն, իսկ դատավոր Պետրոսյանը դիմում է ներկայացրել Կոռուպցիայի կանխարգելման հանձնաժողովին՝ ՀՀ արդարադատության նախարար Գրիգոր Մինասյանի և ԲԴԽ նախագահ Կարեն Անդրեասյանի տնտեսական շահերի, նրանց հարաբերությունների և այդ պայմաններում դատավորների նկատմամբ կարգապահական վարույթների հարուցման դեպքում շահերի բախման առնչությամբ, որտեղ, ըստ դիմումատուի, առկա են կոռուպցիոն ռիսկեր։ ԿԿՀ-ն դատավորի դիմումը մերժել է։Դատական դեպարտամենտի աշխատակիցները գնացել են հիվանդանոց ու հենց հիվանդասենյակում դատավորին առձեռն փոխանցել ծանուցումը (տեսանյութ)
Հեղինակ՝ Իզաբել Սահակյան
Հարակից հրապարակումներ`
Տեսանյութեր
09/07/2024 08:59 Զինվորականների գույքի օրինականությունն ուսումնասիրվում էՏեսադարան
09/02/2024 10:55 Սեպտեմբերի 2-ը Արցախի Հանրապետության հռչակման օրն էՄամուլ
- 09/14/2024 08:21 ՔՊ-ական արդարադատություն․ «Հրապարակ»
- 09/14/2024 08:17 Քրեական գործերի «տարափ» է սպասվում․ «Հրապարակ»
- 09/14/2024 08:15 Կրկին արարողակարգի խախտում. ինչպես է Մոսկվան ընդունել Գուրգեն Արսենյանին․ «Ժողովուրդ»
- 09/14/2024 08:12 Հարգանքի տուրք չմատուցեցին․ «Հրապարակ»
- 09/14/2024 08:08 Ինչու են լարվել Արարատ Միրզոյանի և Գուրգեն Արսենյանի հարաբերությունները․«Հրապարակ»
- 09/14/2024 08:05 Ռազմական ագրեսիայից անցել է 2 տարի. կյանքից զրկվածների ցուցակ իշխանությունները չեն հրապարակել․ «Ժողովուրդ»
- 09/14/2024 08:01 Քննչական կոմիտեն որոշում է կայացրել մեծ աղմուկ բարձրացրած 36 կգ ոսկու, 293 մլն ռուբլու հափշտակման գործով․ «Ժողովուրդ»
ՓԱՍՏԱԹՂԹԵՐ
- 09/02/2024 15:38 Հրատապ. Հրապարակվել է Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովների համատեղ գործունեության մասին կանոնակարգը
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
Հարցազրույց
- 09/16/2024 13:35 Նախկինում Սրբազան աշխատած մարդու հետ պաշտոնական հանդիպում ՔՊ-ի օրակարգում չկա. Էմմա Պալյան
- 08/30/2024 20:13 Նորակառույցները զավթում են երթևեկելի գոտին ու հետիոտնի անցման տարածքը, իսկ քաղաքապետարանից դժվարանում են ասել, թե դեռ որքան են ընդլայնելու Երեւանի սահմանները
- 08/28/2024 17:49 «Միջանցքի» հարցում չպետք է շահագրգռված լինի հենց ՌԴ-ն. դա այն գինը չէ, որ արժե վճարել ռուս-ուկրաինական պատերազմում թուրք-ադրբեջանական իբր զսպվածության, բայց իրականում՝ պահանջատիրության դիմաց
- 07/23/2024 20:11 Պատահական չէ՝ երբ մեր իշխանությունները փորձում են ինչ-որ շեղում կատարել դեպի ռուսական հարթակ՝ Արևմուտքից հանկարծ հիշեցնում են կոկաինի պատմությունը. Ձյունիկ Աղաջանյան
Մեկնաբանություն
- 09/16/2024 16:49 Ցանկացած ժամանակակից պետության, այդ թվում՝ Հայաստանի զարգացումն ու բարօրությունը անմիջականորեն կապված է նրա պատմական ժառանգության հետ. Անանյան
- 09/16/2024 15:47 Նարեկ Մալյանը մեկ տարվա ազատազրկումն ամբողջությամբ կրել է. օրենքի ուժով ազատ կարձակվի. Մելիքյան
- 09/16/2024 15:44 Դատարանը մերժել է Ալեն Սիմոնյանի հայցադիմումն ընդդեմ MediaHub.am-ի
- 09/16/2024 14:32 Լուսահոգի Արմեն Գրիգորյանի գործով վերաքննիչ բողոքների վերաբերյալ որոշումը կհրապարակվի այսօր
Արխիվ
Արտակարգ պատահարներ
- 09/16/2024 21:25 1 զոհ, 2 վիրավոր. ողբերգական ավտովթար՝ Նավուր-Թթուջուր ճանապարհին
- 09/16/2024 19:23 Արագածոտնի մարզում «ԳԱԶ 2410»-ը բախվել է գազատար խողովակներին, կոտրել դրանք ու գլխիվայր շրջվել. shamshyan.com
- 09/16/2024 10:23 Արտակարգ դեպք՝ Երևանում․ Գարեգին Նժդեհի հրապարակում կրակել են թիվ 42 երթուղու ավտոբուսի վրա. shamshyan.com
- 09/15/2024 21:44 Դիտակ գյուղի սկզբնամասում «Opel»-ը հայտնվել է ճամփեզրի դաշտամիջյան հատվածում և շրջվել
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Հետաքրքիր է իմանալ
- 09/14/2024 18:58 Աշխարհի ամենաթերագնահատված երկիրը՝ ըստ փորձառու զբոսաշրջիկի
- 09/13/2024 21:08 Տղամարդու առնանդամը վերածվել է ոսկորի՝ հազվագյուտ հիվանդության պատճառով
- 09/13/2024 15:01 Ճնշում, գլխացավ, թուլություն. խրոնիկ հիվանդներին զգուշացնում են՝ այսօր և վաղը մագնիսական փոթորիկներ են սպասվում
- 09/12/2024 17:33 Մոռացված չիփպսի տոպրակը խախտել է արգելոցային քարանձավի էկոհամակարգը