Փաստ ինֆո

«Սա, ընդամենը, վարչապետի PR կոմպանիայի հերթական նիստն էր, ուրիշ ոչինչ։ Նույն բաները Փաշինյանն ասում է Կառավարության նիստերին, ԱԺ-ում՝ հարց ու պատասխանների ժամանակ, ասուլիսների ընթացքում և այլն։ Այսօր էլ, նա օգտագործեց ԱԺ քննիչ հանձնաժողովի նիստը, որպեսզի բոլորին հայտնի իր դիրքորոշումները հերթական անգամ հանրայնացնի, այդ թվում՝ ոչ միայն ներքին, այլ նաև, որոշ դեպքերում, նաև արտաքին լսարանի համար»,- «Փաստինֆո» լրատվականի հետ զրույցում ասել է քաղտեխնոլոգ Արմեն Բադալյանը։

Հիշեցնենք, որ այսօր Ազգային Ժողովի քննիչ հանձնաժողովի հրավիրած հերթական նիստին մասնակցում էր ՀՀ-ում վարչապետ աշխատող Նիկոլ Փաշինյանը, որը բացառիկության կարգով հրապարակային էր կազմակերպվել։ Փաշինյանի մասնակցությամբ նիստն առաջինն ու միակն էր, որ տեղի ունեցավ դռնբաց ձևաչափով։ Մնացյալ բոլոր դեպքերում նիստերն անցկացվել են, բացառապես, փակ դռների հետևում։ Ասել է թե՝ Փաշինյանը նիստին ներկայացել էր ոչ թե իր ենթակա՝ քպականների հարցերին պատասխանելու, այլ հանրության լայն շրջանակներին կրկին իր մտքերը հասու դարձնելու համար։

Քաղտեխնոլոգ Արմեն Բադալյանը նկատում է՝ իհարկե, թուրք – ադրբեջանկան տանդեմին հաղորդվելիք կարևորագույն տեղեկությունները Փաշինյանն իրականացնում է համապատասխան ղեկավարների հետ տետ ա տետ հանդիպումների ժամանակ և անձամբ, իսկ ներքին լսարանի PR կոմպանիան կազմակերպվում է այս ձևաչափով, որպեսզի, ըստ բանախոսի, իր լսարանը լսի և տեսնի, որ իրենց վարչապետը գործ է անում։

Անդրադառանալով այսօրվա նիստի ընթացքում Փաշինյանի բարձրաձայնած թեզերին և դրանց արժանահավատությանը՝ Արմեն Բադալյանն ասում է՝ առաջին անգամը չէ, որ առիթ է ընձեռնվում ծանոթանալ վարչապետի առաջ քաշած թեզերին։ Այսօր՝ հերթը 44 օրյա պատերազմին վերաբերող թեմաներինն էր. «Արդեն 5 տարի է՝ Փաշինյանն ինչ – որ թեզեր է առաջ քաշում, այսօր շահարկեց պատերազմի դադարեցման վերաբերյալ իր պատկերացումների թեման, ընթացքում անդրադարձ կատարվեց, այսպես կոչված, Մեղրու միջանցքի հարցին, դրանից առաջ, այսպես կոչված, Զանգեզուրի միջանցքի, դրանից առաջ՝ Կապան – Գորիս ճանապարհահատվածի, դրանից առաջ՝ Արցախի կարգավիճակի իջեցման հարցերն էին, «քաղաքացին տուգանվելու մատերիալ չի» հայտնի թեզը, դրանից առաջ էլ՝ «կորոնավիրուսը տնական արաղով դեզինֆեկցիա անելու» հարցը։ Ծանոթ ենք նաև կարմիր գծերի վերացման մասին իր թեզին, արագաչափերի վերացմանը և այլն։ Մի խոսքով, ցանկը շատ երկար է։ Վտանգավորը, սակայն, այն է, որ այդ մարդն ինչի մասին խոսում է, ինչ թեզ, որ առաջ է քաշում՝ ճիշտ դրա հակառակ գործողությունն է կյանքի կոչում։ Այսքանով, այսօրվա նիստի ընթացքում հնչեցված մտքերն, այո, կարող են իրենց մեջ որոշ ի չափով վտանգ պարունակել»,- ասում է քաղտեխնոլոգը։

Հարցին՝ առաջնորդվելով այս տրամաբանությամբ, կարո՞ղ ենք ենթադրել, որ, այսպես կոչված, Մեղրու միջանցքի թեման այսօրվա վարչապետի հանրայնացրած ամենավտանգավոր թեզերից մեկն էր, քաղտեխնոլոգը չի հերքում.«Բնականաբար։ Քանի դեռ այս մարդը կա, իրեն ինչ հրահանգեն, այդպես էլ արվելու է։ Նա ոչինչ չի որոշում, նա որոշող չէ, սակայն, ավելի ցավալին այն է, որ որոշողը հայտնի՝ թուրք – ադրբեջանական տանդեմն է։ Նրան իշխանության են բերել, ընդամենը, երեք խնդիր լուծելու համար՝ Արցախի ամբողջական և առանց երաշխիքների հանձնումն Ադրբեջանին, ինչն էլ նա հաջողությամբ անում է, Հայաստանում ռուսական ազդեցության թուլացումն ու ռուսական ռազմաբազայի՝ այստեղից հեռացումը, ինչպես նաև՝ ՀԱՊԿ-ից և ԵԱՏՄ-ից Հայաստանի դուրս բերումը։ Նկատենք նաև, որ ՀԱՊԿ-ի հետ մեր հարաբերություններն, արդեն իսկ, սառեցված են, իսկ ռազմաբազայի վերաբերյալ նրա կողմից, պարբերաբար, վտանգավոր մտքեր են դաշտ նետվում, օրինակ, որ ռազմաբազան իրենց վտանգ է ներկայացնում ՀՀ-ի անվտանգային համակարգի համար և այլն։ Փաշինյանի երրորդ վտանագավոր առաքելությունն, այսպես կոչված, Զանգեզուրի միջանցքի հանձնումն է, որը Հայաստանի տարբեր հատվածներով է անցնելու՝ և՛ Սիսիանով, և՛ Մեղրիով և՛ այն հատվածներով, որտեղով Ադրբեջանի նախագահը կցանկանա։ Այնպես – որ, այսօրվա նիստի ընթացքում իր կողմից Մեղրու միջանցքի հիշատակումն, այո, իր մեջ լուրջ վտանգներ է պարունակում»։

Քաղտեխնոլոգի արձանագրմամբ՝ Հայաստանի վայրընթաց անկումը չի դադարելու, քանի դեռ Նիկոլ Փաշինյանն ու իր թիմը իշխանության ղեկին են.«30 տարիների ընթացքում այս հասարակությանն այն վիճակին են հասցրել, որ հասարակությունն, այլևս, չի կարող արդյունավետ պայքար մղել՝ սրանց հեռացնելու դեմ, պարզապես, դիմադրելու համար բավարար չափով ուժ չունի։ Հասարակության մի հատվածը հասկանալով, որ այս ամենն, ինչ կատարվում է, խիստ վտանգավոր է, դժգոհության իր ձայնն է բարձրացնում, բայց չի կարողանում արդյունավետ գործողություն իրականացնել։ Երկրում իշխող ուժին տապալելու համար, այլևս, միայն երկու գործիք է անհրաժեշտ՝ արտաքին աշխարհաքաղաքական խաղացողներից որևէ մեկի դաբրոն, որից հետո, արդեն, այստեղ իրականացվելիք համապատասխան գործողութոյւններ կլինեն, որոնք, այլևս, չեն կարող միտինգների կամ քայլերթների տեսքով լինել, խոսքն այլևս, բոլորովին այլ բնույթի և բովանդակության գործողությունների մասին է։ Երբ այդ դաբրոն կլինի՝ կլինեն նաև համապատասխան գործողությունները, իսկ մինչ այդ՝ մենք, ցավոք, ստիպված ենք լինելու հետևել, թե ինչ է անում այս իշխանությունը, որ, նորից եմ կրկնում՝ ոչինչ չի անում ինքնուրույն կամ սեփական նախաձեռնությամբ, այլ, բացառապես և միայն համապատասխան հրահանգների տիրույթում»։

Աղբյուր` Փաստինֆո