Փաստ ինֆո

Միլիարդատեր Իլոն Մասկի կրտսեր քույրը՝ ռեժիսոր Տոսկա Մասկը, երկվորյակներ է լույս աշխարհ բերել դոնորից: Արտամարմնային բեղմնավորման ընթացակարգի և երեխաների բեղմնավորման համար հայր ընտրելու գործընթացի մասին նա պատմել Է Daily Mail-ին:

37 տարեկանում՝ հերթական զուգընկերոջից բաժանվելուց անմիջապես հետո, Տոսկա Մասկը երկու եղբայրներին ու մորը հայտնել է արտամարմնային բեղմնավորման միջոցով երեխա լույս աշխարհ բերելու մտադրության մասին։ Նրա խոսքով՝ ինքը որոշել է նման քայլի դիմել, քանի որ այլեւս չի ցանկանում որեւէ մեկի հետ լուրջ հարաբերություններ հաստատել։ Նա պնդում է, որ մտերիմներն այդ լուրը ոգևորությամբ են ընդունել և աջակցել են իրեն։

Մասկը երկար ժամանակ փնտրում էր կատարյալ դոնորի։ Ընտանիքի մյուս անդամների հետ նա ուսումնասիրում էր հարցաթերթիկներ և կարդում համապատասխան տղամարդկանց՝ իրենց մասին պատմություններ: Նա, ի վերջո, ընտրել է սպորտով զբաղվող երիտասարդի, որպեսզի, ըստ նրա, լրացնի իր ընտանիքի «փայլուն մտավոր և ստեղծագործական գեները»: Կինը հավելել է, որ արտաքնապես դոնորն իրեն նման է, ուստի երկվորյակները, որոնց նա լույս աշխարհ է բերել, իր հետ ևս
արտաքին մեծ նմանություն ունեն:

Մասկի խոսքով՝ իրեն ընդհանրապես դուր չի եկել հղի լինելը։ «Ծննդաբերությունը նույնպես սարսափելի էր», - ավելացրել է նա: - Բայց ես երջանիկ եմ, որ ունեմ երկու երեխա, ուստի ուրիշներ էլ չեմ ունենա: Ես շատ շնորհակալ եմ, որ հնարավորություն ու կարողություն եմ ունեցել դա անելու»:

Աղբյուր` Փաստինֆո