Փաստ ինֆո

«Դե, հայերը թող բացականչեն՝ «Слава Україні»! Վերջապես Ուկրաինան, հայերի փոխարեն, տվեց Փաշինյանի իրական նկարագիրը՝ ներառելով նրան իր համար դավաճանների հայտնի ցուցակում։ Մենք, դեռ նման քայլ չենք արել, իսկ Ուկրաինան ասում է՝«Ո՜վ, հայ ժողովուրդ, եթե նա մեր թշնամին է, ինչո՞ւ մինչև հիմա նաեւ որպես ձեր թշնամի չի հռչակվել…»,- «Փաստինֆո» լրատվականի հետ զրույցում ասել է «Ազգային անվտանգություն» կուսակցության նախագահ Գառնիկ Իսագուլյանը, մեկնաբանելով ՀՀ վարչապետ Նիկոլ Փաշինյանի՝ ուկրաինական «Խաղաղարարի» պատժացուցակների կազմում ներառվելու մասին լուրը։

Տեղեկացնենք, որ Ուկրաինան ՀՀ վարչապետ Նիկոլ Փաշինյանին «Խաղաղարարի» պատժացուցակ է ներառել։ Այս մասին հայտնի է դարձել «Խաղաղարարի» կայք էջից։ Թե կոնկրետ ի՞նչ արարքի համար կամ պատճառով է ՀՀ վարչապետը հայտնվել ուկրաինական պատժացուցակների շարքում, այս պահին հայտնի չէ։

Գառնիկ Իսագուլյանը հռետորական հարցադրում է կատարում.«Իսկ ինչո՞վ է զբաղված Ուկրաինայում ՀՀ դեսպան Վլադիմիր Կարապետյանը։ Կամ կարելի՞ է, արդյո՞ք, ենթադրել, որ, հենց, նա է միջնորդել, որպեսզի ՀՀ վարչապետի անունը հայտնվի Ուկրաինայի դավաճանների համար նախատեսված կայքէջում»։

Միայն մի բան է հուսադարող, այն, որ Նիկոլ Փաշինյանը չի ներկայացնում Հայաստանի Հանրապետությունը, այլ միայն՝ ինքն իրեն, ասում է Գառնիկ Իսագուլյանն ու հավելում.«Քանի- որ նա ստախոս է, միայն հայ ժողովրդին չի խաբում, այլ բոլորին՝ ռուսին, ուկրաինացուն, Եվրոպային, Իրանին, մի խոսքով, բոլորին, պարտաճանաչ կերպով կատարելով, բացառապես, միայն թուրք – ադրբեջանական տանդեմի պատվեր, հետևաբար՝ ի՞նչ սպասելիք մենք պետք է ունենայինք, այսքանից հետո, այդ մարդուց։ Նա լծվել է, իր սեփական կամքով, բացառապես, ամեն ինչ ոչնչացնելու գործին, որպեսզի մեզ մնա միայն թուրքական վիլայեթ դառնալու տխուր հեռանկարը՝ ուրիշ ոչինչ»։

Աղբյուր` Փաստինֆո