Փաստ ինֆո

Սինգապուրում 50-ամյա ուսուցիչն ավելի քան 170 տեսանյութ է նկարահանել կանանց կիսաշրջազգեստների տակից, որոնց թվում են եղել նրա գործընկերներն ու ուսանողուհիները: Այս մասին հայտնում է թե Straits Times-ը։

Տղամարդը բռնվել է այն բանից հետո, երբ նրա սաներից մեկը կասկածել է, որ նա տեսանկարահանում է կիսաշրջազգեստների տակից և բողոքել է ոստիկանությանը: 2022 թվականի սեպտեմբերին ուսուցիչն ընդունել է մեղքը երեք մեղադրանքներով՝ կանանց առաքինությունը վիրավորելու համար։ Դատավճիռ կայացնելիս հաշվի են առնվել ևս հինգ մեղադրանքներ: Դատարանը պարզել է, որ հանցագործությունները կատարվել են 2015-2018 թվականներին: Նրա գործողությունների հետևանքով տուժել է առնվազն 47 տարբեր կին։ Տղամարդը հեռացվել է աշխատանքից և այլևս չի դասավանդում դպրոցում:

Դատավոր Բրենդա Թանը նշել է, որ հանցագործությունների կատարման ընթացքում տղամարդը ծանր դեպրեսիվ խանգարում է ունեցել։ Սա նրան հարմար թեկնածու էր դարձնում պարտադիր բուժում անցնելու համար՝ ազատազրկման պատիժը կրելու փոխարեն։ Սակայն, ըստ դատական փորձագետի, նա պահպանում էր գիտակցված ընտրություն կատարելու ունակությունը և կարող էր հրաժարվել հանցագործություններ կատարելուց: Դատավոր Թանը որոշում կայացրեց, որ ամբաստանյալի հոգեկան վիճակը մեղմացնող գործոն չէ, և համարեց, որ տղամարդը պետք է բանտ նստի:

Ուսուցչին դատապարտել են տասը ամիս և երկու շաբաթ ազատազրկման։ Նրան մնում է 15 հազար Սինգապուրյան դոլար (947,5 հազար ռուբլի) գրավի դիմաց ազատ արձակվելու հնարավորություն։ Փաստաբան Լոուրենս Գոն հայտնել է, որ իր պաշտպանյալը մտադիր է բողոքարկել դատավճիռը:

Աղբյուր` Փաստինֆո