Փաստ ինֆո

Փաստաբանի աշխատանքն իր մեջ միշտ էլ վտանգներ պարունակում է, քանի որ շատ դեպքերում շահերը հակադրվում են գործող իշխանությունների հետ։ Այս մասին լրագրողների հետ զրույցում ասաց Տարոն Սիմոնյանը։

«Փաստաբանի աշխատանքը ենթադրում է որոշակի ռիսկերից ապահովագրում, դրա համար գոյություն ունի Փաստաբանների պալատը, որն իր հնարավարությունների շրջանակում փոձում է պաշտպանել փաստաբաններին՝ նրանց միայնակ չթողնելով պետական մարմինների հետ, քանի որ փաստաբանները միայնակ չեն կարող պաշտպանել իրենց շահերը»,-ասաց Սիմոնյանը։

Նրա խոսքով՝ իրավապահ համակարգում փաստաբանների հետ կոնֆլիկտներ եղել են նաև նախկին իշխանության օրոք, բայց իր հիշած ծեծի երկու դեպքերն էլ տեղի են ունեցել գործող իշխանության օրոք։

«Փոխարենը մենք օր օրի զարգանանք, ամեն հաջորդ քայլի ժամանակ ավելի շատ երաշխավորենք քաղաքացիների ու նրանց շահերը պաշտպանող փաստաբանների իրավունքները, հակառակն է լինում։ Նման քայլերով մենք թռիչքաձև հետընթաց ենք ապրում։ Սա նշանակում է, որ սխալներ կան, բոլոր մտահոգ մարդիկ, այդ թվում պետական ապարատում աշխատող օրինապահ մարդիկ ամեն ինչ պետք է անեն, որ գոնե փաստաբանների իրավունքները չոտնահարվեն։ Եթե ոստնահարված է փաստաբանի իրավունքը, ինքը չի կարողանալու պաշտպանել իր վստահորդի իրավունքները»,-ասաց նա։

Աղբյուր` Փաստինֆո