Փաստ ինֆո

Ոստիկանական բաժանմունքում ոստիկանների կողմից բռնության ենթարկված փաստաբան Կարեն Ալավերդյանը մամուլից է տեղեկացել, որ իր ներկայացրած հաղորդման հիման վրա քրեական վարույթ է նախաձեռնվել։ Լրագրողների հետ զրույցում Ալավերդյանը հայտնեց, որ առ այսօր դատավարական որևէ գործողություն չի իրականացվել, որևէ թուղթ իրեն չի փոխանցվել, անգամ հայտի չէ, այդ վարույթի համարը, իրեն տրված դատավարական կարգավիճակն ու այլ մանրամասներ, որոնց միջոցով ես կարող է իրականացնել իր իրավունքների պաշտպանությունը։

«Ես կարող եմ պաշտպանել իմ շահերը, բայց ինձ անհանգստացնում է իրավապահ մարմինների բարձիթողի մոտեցումը։ Եթե փաստաբանի նկատմամբ հարուցված վարույթով է նման անտարբեր վիճակ, նման մոտեցում, պատկերացրեք, թե քաղաքացիների բողոքների դեպքում վարույթներն ինչ ընթացք են ստանում։ Սա բնավ մեզ ամար զարմանալի չէ, քանի որ վերջին շրջանում հաճախ ենք բախվում նման խնդիրների, որը կարծես արդեն համակարգային բնույթ է ձեք բերել»,- ասաց փաստաբանը։

Նրա խոսքով՝ ՔԿ-ում դեռ կան պրոֆեսիոնալ, բարոյական արժեքներ ու գիտելիքներ ունեցող մասնագետներ, որոնց ուժերի սահմանում է այս քրեական վարույն իրականացնել բարձր մակարդակով, սեղմ ժամկետում, որպեսզի հասարակությւոնը ստանա հուզող հարցերի պատասխանը, մինչդեռ, ՔԿ մամուլի հաղորդագրությանը ծանոթանալիս նույնիսկ խաշած հավի ծիծաղը կգար։ «Փաստաբանը կարո՞ղ էր զինված ոստիկանների կողմից հսկվող շենքից քաղաքացի դուրս բերել։ Սա իրենց գործողություններն արդարացնելո՞ւ, թե սեփական ապիկարությունն ի ցույց դնելո՞ւ նպատակ է հետապնդում։ Իրականում չեմ հասկանում»,-ասաց նա։

Աղբյուր` Փաստինֆո