Փաստ ինֆո

Սահմանային այսօրվա դիպվածը ես կապում եմ նաեւ այսօր Հայաստանի Հանրապետությունում պետական խորհրդանիշների օրը նշելու հետ: ԱԺ-ում հայտարարել ՀՀ պաշտպանության նախարար Սուրեն Պապիկյանը՝ արձագանքելով սահմանային վիճակի մասին ընդդիմադիր պատգամավորի հարցին։

«Ակնհայտ է, որ այն ինչ կատարվում թե տեղեկատվական դաշտում, իսկ իրական հողի վրա՝ նպատակ ունի ներկայացնելու կամ ցույց տալու համար, որ հայկական կողմը ունի ապակառուցողական դիրքավորում եւ մշտապես խախտում է հրադադարի ռեժիմը: Այսօրվա դիպվածը ես կապում եմ նաեւ այսօրվա հետ, հաշվի առնելով, որ այսօր Հայաստանի Հանրապետությունում նշվում է պետական խորհրդանիշների օրը, իրենք փորձել են այս ձեւով եւս մեկ անգամ ի ցույց դնել իրենց սադրիչ էությունը: Ի պատիվ մեր սահմանապահների գործողությունների՝ նրանց նպատակը չի իրականացվել: Ցավոք, դիպուկահարի կողմից կա մեկ վիրավոր, իրենց նույնպես հայտնել են վիրավորի մասին»,- ասաց նախարարը:

ԱԱԾ սահմանապահ ծառայությունն ավելի վաղ հայտնել էր, որ Ադրբեջանի ԶՈՒ ստորաբաժանումները հունիսի 15-ին՝ ժամը 11:45-ին, կրակ են բացել Տեղի հատվածում տեղակայված հայկական դիրքերի ուղղությամբ՝ կիրառելով նաեւ ականանետ: Հակառակորդի կրակոցներին հայկական կողմը ունի մեկ վիրավոր՝ ՀՀ ԱԱԾ սահմանապահ ծառայության զինծառայող՝ Արթուր Արմենի Ազրոյանը (2002թ.): Նրա վիճակը գնահատվում է կայուն ծանր։

Աղբյուր` Փաստինֆո