Փաստ ինֆո

Իրավիճակն Արցախի շուրջ գնալով ավելի է լարվում և գերտերություններն արդեն չեն էլ թաքցնում, որ իրենց նպատակը այս հարցի արագ լուծումն է, և ըստ էության ոչ մեկին էլ հետաքրքիր չէ, թե ինչ կլինի այնտեղ մեր հայրենակիցների հետ։ «Փաստինֆո»-ի եթերում ասել է միջազգայնագետ Գրիգոր Բալասանյանը։

«Արդյոք Ադրբեջանը համաձայն կլինի Արցախում ռուս խաղաղապահներից բացի ևս մեկ օտարերկրա ներկայացվածության։ Սա առաջին հարցն է, և երկրորդը՝ արդյոք ռուսները համաձայն կլինեն իրենց պատասխանատվության գոտում թույլատրել փաստահավաք խմբի աշխատանքը, որովհետև այն արձանագրումներն ու խախտումները որոնք արվում է Ադրբեջանի կողմից ռուս խաղաղապահները պարբերաբար հայտարարում են։ Ըստ էության՝ փաստեր չարձանագրելու խնդիր այսօր մենք չունենք»,- նշել է միջազգայնագետը և հավելել, որ անհրաժեշտ են ոչ ստանդարտ լուծումներ։

«Արցախի հարցի հետ կապաված կարծում եմ եկել է ժամանակը ոչ ստանդարտ լուծումներ առաջարկելու։Ակնհայտ է որ միջազգային իրավունքն այլևս չի աշիատում։ Եկել է ժամանակը ոչ ստանդարտ լուծումների»,- արձանագրել է փորձագետը։

Նրա դիտարկմամբ՝ բոլոր հարցերը՝ սկսած քարտեզներից, վերջացրած տարածքային ամբողջականությամբ, կարծես թե համաձայնություն կա կարգավորել խորհրդային միության օրենսդրության համաձապատասխան։Բայց զարմանալիորեն Արցախի հարցը փորձ չի արվում կարգավորել նույն տրամաբանության մեջ։

«Եթե Ադրբեջանի տարածքային ամբողջականությունը որոշվում է Խորհրդային միության Սահմանադրության համապատասխան, ապա ո՞րն է խնդիրը, որ չի դիտարկվում Արցախն այդ նույն Սահմանադրությամբ Խորհրդային Ադրբեջանի կազմից դուրս գալու և Հայաստանի խորհրդային կազմ մտնելու հայտարարությունը, հանրաքվեն,և բոլոր այն գործընթացները, որոնք իրականացվել են Արցախում։ Սա կարծում եմ որ հայկական կողմը անպայման պետք է հրապարակ բերի»,- հայտարարել է փորձագետը՝ նշելով, որ պետք է այս հարցը բարձրաձայնենք՝ և՛ ժամանակ ձգելու, և՛ Ադրբեջանին շատ անհարմար իրավիճակի մեջ դնելու համար։

Մանրամասները՝ տեսանյութում

Աղբյուր` Փաստինֆո