Փաստ ինֆո

Օվերչուկի շուրթերից բազմիցս հնչել է, որ յուրաքանչյուր երկիր՝ ըստ իր օրենսդրության և կանոնադրության պետք է մաքսային, անձնագրային հսկողություն իրականացնի, առհասարակ էքստերիտորիալ միջանցք եզրույթը դուրս է գալիս, և նույնիսկ խոսույթի մեջ դա բացառվում է: «Փաստինֆոյի» եթերում ասել է միջազգայնագետ, քաղաքական վերլուծաբան https://www.pastinfo.am/hy/ը:

«Փաստն այն է, որ կա նախնական պայմանավորվածություն՝ երկաթուղին շահագործվելու է, ճանապարհները բացվելու են, յուրաքանչյուր երկիր՝ ըստ իր օրենսդրության, մաքսային և անձնագրային գործառույթներ պիտի իրականացնի: Առայժմ յուրաքանչյուր երկիր ինքը պետք է իր գործառույթները իրականացնի՝ առանց միջնորդային ծառայությունների: Դրա մասին բազմիցս խոսել է նաև Օվերչուկը»,- ասել է Դ. Կարապետյանը:

Փորձագետի խոսքերով, անկախ ամեն ինչից՝ ռուսական գործոնը ազդեցություն է թողնում երկուստեք, և, գուցե այս պահին Ադրբեջանը կարիք չի համարում Վաշինգտոնում որոշակի նորամուծություններ մտցնել բանակցային պրոցեսում: Ադրբեջանը քաղում է այն ինչ իրեն պետք է՝ տարբեր աշխարհաքաղաքական կենտրոններից: Այս կտրվածքով տեսնում ենք խանդի տեսարաններ, որ Ռուսաստանը մեսիջ է ուղարկում անխտիր բոլորին առ այն, որ Հարավային Կովկասում և մասնավորապես հայ-ադրբեջանական հակամարտության լուծումը բնավ չի գտնվում ո՛չ Վաշինգտոնում, ո՛չ Բրյուսելում և իրենց ազդեցությունը որևէ կողմին չեն զիջի:

Բանախոսը այն կարծիքին է, որ Արևմուտքում հասկանում են, որ Ադրբեջանը գնում է իրենց դեմ: Եվ արևմտյան գործողություններն ու հայտարարությունները, եթե նույնիսկ չեն կարող ազդեցություն թողնել, գոնե քաղաքական կուտակում է տեղի ունենում, և չգիտենք՝ հետագայում դա ինչ տեսք կստանա: Աշնանը կամ ձմռան սկզբին գուցե ականատես լինենք խաղաղության պայմանագրի ստորագրմանը, սակայն խիստ կասկածելի է, որ Ադրբեջանը իրեն կձերբազատի ծավալապաշտական նկրտումներից:

Անդրադառնալով Հայաստանի կողմից Ադրբեջանի տարածքային ամբողջականության ճանաչմանը՝ միջազգայնագետը նշեց, որ Ալմա-Աթայի հռչակագրի անդամ պետությունները փորձեցին որպես վարչատարածքային միավորների բաժանարար գծեր համարել պետական սահմանը: Ուստի այդ կտրվածքով ճանաչեցին մեկմեկու տարածքային ամբողջականությունը: Սա ընդամենը հաստատում է, որ վարչատարածքային միավորները դառնում են սահմաններ, բայց Ալմա-Աթայի հռչակագրին Ադրբեջանը ուշացած է միացել, երբ Արցախում արդեն հանրաքվե էր տեղի ունեցել, և նույն Սովետական Միության օրենքներին համապատասխան Արցախը ինքնորոշման ճանապարհ բռնելով անկախացել էր:

Մանրամասները՝ տեսանյութում:

Աղբյուր` Փաստինֆո