Փաստ ինֆո

«Իմ վրա հարուցված հերթական քրեական գործն, իհարկե, հերթական ապուշությունը պետք է լիներ, ինչպես որ կա։ Այս անգամ էլ, պարզվում է՝ պրոդյուսեր Արմեն Գրիգորյանի հուղարկավորության օրը, լրատվամիջոցներից մեկին հարցազրույց տալուց ասել եմ՝ «Արմենին ձերբակալման թույլտվություն տված դատավոր Արուսյակ Ալեքսանյանը «Համեր»-ի ֆոնին նկարված քածն է» և, ահա, գործ է հարուցվել։ Այսինքն, Արմենին մահվան հասցնելու մեջ ես մեղադրել ու շարունակում եմ մեղադրել այն մարդկանց, ովքեր հրահագն են տվել ու իրականացրել են նրա ապօրինի ձերբակալման ակտը»,- «Փաստինֆո» լրատվականի հետ զրույցում, ասում է Շիրակի Պետական համալսարանի դասախոս Արթուր Համբարձումյանը՝ պատմելով իր վրա հարուցված հերթական քրեական գործի մանրամասների մասին։

Նրա փոխանցմամբ՝ ոստիկանությունում իրեն փորձել են համոզել, թե դատավոր Արուսյակ Ալեքսանյանին, ով հիմա դատվում է կաշառակերության վերաբերյալ հոդվածով, ինքը հրապարակային վիրավորանք է հասցրել՝ արատավորելով նրա բարի համբավը.«Գիտե՞ք, այս ամենն այնքան անլուրջ եմ ընդունում։ Մանավանդ, եթե հիշենք, որ ինձ վրա նաև ֆեյսբուքում «Քոռ խոզ»-ի մասին անեկդոտ պատմելու համար են քրեական գործ հարուցել, հետո ասել՝ եթե գրառման վերևում մի տեղ գրեի, որ դա անեկդոտ է եղել, իրենք քրեական գործ չէին հարուցի, ապա իրականությունն իր ողջ «պերճանքով» և թշվառությամբ մեր առջև է հառնում»,- ասում է Արթուր Համբարձումյանը։

Գործիչը հրապարակային առաջարկել է բացահայտել օրվա իշխանությունների վերաբերյալ ունեցած բոլոր կոմպրոմատները, որոնց տիրապետում են Հայաստանի ու Արցախի քաղաքական և ռազմական վերնախավը։ «Փաստինֆո»-ի հետ զրույցո․ւմ Արթուր Համբարձումյանը նկատում է՝ արդեն 5 տարի է՝ գոռում է այն մասին, որ համապատասխան մարդիկ պետք է, ի վերջո, բարձրաձայնեն իրենց տիրապետության տակ եղած ինֆորմացիան՝ դարձնելով այն հանրության սեփականությունը, սակայն, բոլոր կոչերն ու հորդորներն այս պահին առ ոչինչ են մնում.«Այնքան խոսուն փաստեր կան, որոնք, եթե, միայն, բարձրաձայնվեն, ապա օրվա հողատու իշխանութուների քաղաքական օրերը հաշված կարելի է համարել։ Այդ արժեքավոր ինֆորմացիաներին տիրապետում են ՀՀ բոլոր ղեկավարները՝ Լևոն Տեր - Պետրոսյանը, Ռոբերտ Քոչարյանը, Սերժ Սարգսյանի մասին՝ էլ չեմ խոսում, որովհետև, կարծում եմ, հենց նրա անմիջական մասնակցությամբ է այս самодур-ն իշխանության բերվել։ Այդ տեղեկությունների մասին գիտեն նաև Արցախի նախկին ղեկավարները՝ Բակո Սահակյանը, Արկադի Ղուկասյանը։ Թե ինչո՞ւ են նրանք լուռ, ինչո՞ւ, օրինակ, չեն բարձրաձայնում, որ Նիկոլ Փաշինյանը ԿԲԳ-ի հավաքագրված գործակալ էր, դեռևս, «ընդդիմադիր» պատգամավոր աշխատած տարիներին, որ գործակալը չի կարող հեղափոխություն իրականացնել, կարծում եմ, այստեղ միայն մեկ բացատրություն կա՝ նրանք բոլորը կաշկանդված են կորպորատիվ էթիկետով»,- ասում է Համբարձումյանը։

Նիկոլի և նախկին քաղաքական ու ռազմական էլիտայի մեջ առկա է առևտրային, քաղաքական, բարեկամական, այլ խոսքով ասած՝ կլանային որոշ հարաբերություններ, որոնք, ըստ բանախոսի, թույլ չեն տալիս այս կամ այն կողմին՝ ազնիվ և անկաշկանդ խոսել հասարակության հետ, պատմել՝ ի՞նչ, ինչպե՞ս և ինչի՞ համար գործակալ Փաշինյանը, ինչպես նաև՝ գործալակներից կազմված իր թիմը բերվեց իշխանության, ի՞նչ պետք է աներ այդ թիմը, ի՞նչ արեց, որ չպետք է աներ և դեռ ի՞նչ պետք է անի՝ մինչև հեռացվելը. «Որևէ նախկին ղեկավար՝ կլինի ՀՀ, թե Արցախի, այստեղ մասնավոր կերպով ուզում եմ նշել, հատկապես, Սերժ Սարգսյանի անունը, դեռևս իր մեջ չի գտել այնքան քաջություն, կանգնելու և հայտարարելու, որ самодур-ին իշխանությունը սկուտեղի վրա մատուցվեց՝ ընդամենը մեկ գործարք իրականացնելու համար՝ հանձնելու գրավյալ հինգ տարածքները, որն իրենցից և ոչ ոք հանձն չէր առնի կատարելու։ Ասեմ ավելին՝ Նիկոլին իշխանության բերածների մտքով, անգամ, չէր կարող անցներ, որ իրենց աճեցրած կադրը կարող է անցնել հնարավորի և անհնարի, թույլատրելի և անթույլատրելի սահմանները ու թշնամուն նվիրել Շուշին ու Հադրութը։ Բայց, քանի որ Նիկոլը հայտնի գցող է՝ այստեղ շեշտենք՝ գեղցի գցող, նա գերազանցեց, անգամ, ինքն իրենից ունեցած սպասելիքները ու հիմա ունենք այն, ինչ ունենք։ Ոչ միայն Արցախի հայկական գոյությունն է ամբողջությամբ կասկածի տակ առնվել, այլ նաև՝ թշնամին, իրեն հատուկ լկտիությամբ հավակնում է, անգամ, Հայաստանի տարածքային ամբողջականությանը՝ սպառնալով հասնել ընդհուպ մինչև՝ Երևան»,- ասում է Արթուր Համբարձումյանը և հավելում՝ ինքը համոզված է՝ այն մարդիկ, որոնց անունները նշվեց և ովքեր, ինչպես արդեն ասվեց՝ իրենց ձեռքի տակ ունեն Փաշինյանին մերկացնող ռեալ փաստեր, դարձյալ լռելու են։

Արցախ տեղափոխված Ռուբեն Վարդանյանը, ով փորձում է ստեղծված անելանելի նեղ իրավիճակում ստանձնել Արցախի փրկության գործը, չի կարող կաշկանդված լինել ճշմարտությունը բարձրաձայնելու հարցում, իսկ, եթե նա նույնպես ինչ – ինչ պատճառներով խուսափում է հայտնել Փաշինյանի մասին ճշմարտությունը, նշանակում է՝ փրկչի նրա ստանձնած գործառույթներն ու կերպարը նույնպես լուրջ կասկածի տակ են դրվում, ամփոփելով զրույցն ասում է Արթուր Համբարձումյանը։

Աղբյուր` Փաստինֆո