Փաստ ինֆո

Երևանի փոխքաղաքապետ Տիգրան Ավինյանը դժգոհ է իր հանձնարարությունների կատարման ընթացքից։ Գործակարգավարական այսօրվա խորհրդակցության ժամանակ հայտարարեց, թե քաղաքի տարբեր համայնքներում առկա փոսեր մասին խոսել է անցած մի քանի շաբաթների ընթացքում։ Այդ ուղղությամբ անգամ փակ քննարկում են ունեցել մայրաքաղաքի վարչական ղեկավարների ու քաղաքապետարանի պատասխանատուի հետ, խնդիրը, սակայն, այդպես էլ չի լուծվել։

«Ինչքա՞ն ասեմ փոսեր, փոսեր, փոսեր։ Ուզում եմ հասկանալ՝ մինչև որ ամիսն է ձգվելու։ Վարչական շրջանների ղեկավարներ, երկրորդային փոսալցման աշխատանքները ձեր պատասխանատվությունն է, ուզում եմ հիշեցնել դա ձեզ։ Ինչ չունեք, ֆիմա՞նս չունեք, ո՞րն է խնդիրը»,- ասաց նա։

Այս համատեքստում, Ավինյանը խոսեց նաև Աջափնյակում նախատեսվող մետրոյի կառուցման աշխատանքներից։ Հայտարարեց, որ եթե քաղաքի փոսերն անգամ չեն կարողանալու լցնել, ինչպե՞ս են մետրոյի կառուցման աշխատանքներն իրականացնելու։ Նա վրդովմունք հայտնեց, որ իրենք մետրո կառուցելու մասին են հայտարում՝ չկարողանալով անգամ «ամենապրիմիտիվ» փոսալցում իրականացնել։
«Հետո էլ կասեք՝ էս մեկը սենց... էս մեկը գնաց, նկարեց... եսիմ ինչ։ Ու ես հատուկ նիստերից հետո բոլորիդ հավաքում եմ, ասում եմ՝ ժողովուրդ, փոսերի անուն չլսեմ։ Սա վերջին շաբաթն է. հրատապով կլինի, մեկ անձից կլինի, ուզում եք՝ գնացեք անձամբ լցրեք այդ ասֆալտը։ Հաջորդ երկուշաբթի ևս մի հատ դեպք արձանագրվեց՝ ինձնից չնեղանաք»,- ասաց նա։

Մանրամասները՝ տեսանյութում։

Աղբյուր` Փաստինֆո