Փաստ ինֆո

Աշոտ Փաշինյանը գոհ է իրեն առևանգելու գործով Գայանե Մարտիրոսյանի դատավճռից։ Լրագրողների հետ զրույցում Փաշինյանը նշեց, որ գոհ է, որ իրավական գնահատական տրվեց միջադեպին։

«Կարծում եմ՝ դա շատ կարևոր է անկախ նրանից, թե ում է վերաբերում միջադեպը: Գոհ եմ նաև, որ արդարադատության համակարգը և ՀՀ քրեական օրենսգրքով նախատեսված պատիժը կամ կանխարգելիչ միջոցը այս դեպքում շատ խիստ չէր Գայանե Մարտիրոսյանի նկատմամբ»,- ասաց Աշոտ Փաշինյանը՝ հավելելով, որ չի բողոքարկելու դատարանի վճիռը, և դատական նիստում էլ որևէ առարկություն չի հնչել:

«Այն հանգամանքը, որ չեմ նշել, դա չի բացառում, որ քրեական օրենսգրքով կան այլ հոդվածներ, որոնք հնարավորություն են տալիս այլ որոշումներ կայացնել: Փաստորեն, պատժաչափը իրավաբանորեն չկիրառելու մասին որոշում է կայացվել: Արդարադատության նպատակը ոչ թե անձին պատժելն է, որը մեղավոր է ճանաչվում ինչ-որ հանցանքի մեջ, այլ նպատակը հանցանքների նվազումն է, որ եթե նույնիսկ որեւէ միջադեպ է տեղի ունեցել, այլեւս տեղի չունենա: Եվ եթե իրավական համակարգը որոշում է, որ այս ձևով այդ նպատակն իրագործվում է, ես բնականաբար, դրա դեմ չեմ կարող լինել: Նաև անձնապես կարող եմ ուրախ լինել»,- ասաց նա։

Հիշեցնենք, որ Երևանի ընդհանուր իրավասության դատարանը՝ դատավոր Մանվել Շահվերդյանի նախագահությամբ, քիչ առաջ հրապարակել է դատավճիռը՝ մեղավոր ճանաչելով Ազգուշ Մարտիրոսյանին առաջադրված մեղադրանքում և դատապարտել ազատազրկման՝ 4 տարի ժամկետով, հաշվակցելով Մարտիրոսյանի՝ կալանքի տակ գտնվելու ժամկետը՝ Մարտիրոսյանի նկատմամբ որպես պատիժ է սահմանվել ազատազրկումը՝ 3 տարի 11 ամիս ժամկետով։ Դատարանը որոշել է պատիժը պայմանականորեն չկիրառել՝ փորձաշրջան սահմանելով 1 տարի ժամկետով։ Մարտիրոսյանի նկատմամբ ընտրված խափանման միջոց կալանքը վերացվել է, նա դատական նիստերի դահլիճից ազատ է արձակվել։

Աղբյուր` Փաստինֆո