Փաստ ինֆո

Սոչիում քննիչները քրեական գործեր են հարուցել թաղային ոստիկանի եւ 7-ամյա աղջկա մոր դեմ, որին, ենթադրաբար, սպանել է նրա կենակիցը, հայտնել են Կրասնոդարի երկրամասի ՌԴ Քննչական կոմիտեի մամուլի ծառայությունում։

Ավելի վաղ հաղորդվել էր, որ Սոչիում 7-ամյա աղջկա սպանության կասկածանքով տղամարդու են ձերբակալել:

Քննության վարկածով՝ այն բանից հետո, երբ կասկածյալը ծեծել է աղջկան, նրա մայրը, գիտակցելով, որ երեխան ի վիճակի չէ իրեն օգնություն ցույց տալ եւ դիմել բժիշկներին, միջոցներ չի ձեռնարկել նրան պաշտպանելու համար, առաջին օգնություն չի ցուցաբերել:

Ինչպես նշում են շրջանային քննչական կոմիտեից, շենքի բնակիչները, որտեղ ապրել է ընտանիքը, բազմիցս դիմել են թաղայինին, քանի որ բնակարանից լացեր ու մանկական ճիչեր են լսվել, այդ թվում՝ գիշերը: Սակայն նա, քննության վարկածով, անհրաժեշտ միջոցներ չի ձեռնարկել, իսկ ստուգման ընթացքում զեկույց է հրապարակել այն մասին, որ երեխայի նկատմամբ հակաիրավական գործողություններ չեն կատարվել։

«ՌԴ Քննչական կոմիտեի Սոչիի կենտրոնական շրջանի քննչական բաժնում քրեական գործեր են հարուցվել մահացած աղջկա 31-ամյա մոր նկատմամբ, որը կասկածվում է անչափահասին վտանգի մեջ թողնելու եւ դաստիարակության պարտականությունները չկատարելու մեջ (ՌԴ Քրեական օրենսգրքի 125, 156 հոդվածներ), ինչպես նաեւ Սոչի քաղաքի ՆԳՎ ոստիկանության թաղայինի, որը կասկածվում է անփութության մեջ, որն անզգուշությամբ մարդու մահ է առաջացրել», - ասված Է հաղորդագրության մեջ:

Միջադեպը տեղի է ունեցել մայիսի 27-ին վարձակալած բնակարանում, որը կասկածյալը վարձակալել էր կենակցուհու հետ։ Նրանց հետ ապրում էր կնոջ յոթամյա դուստրը։ Հետաքննության վարկածի համաձայն՝ տղամարդը գոտիով 15 հարված է հասցրել աղջկա մարմնի տարբեր մասերին, գլխին եւ որովայնին։ Ծեծից հետո երեխայի վիճակը վատացել է, բայց ոչ ոք շտապօգնություն չի կանչել։ Հունիսի 2-ի գիշերը, երբ աղջիկը վատացել է, մայրն, այնուամենայնիվ, շտապօգնություն է կանչել։ Երեխան մահացել է բժիշկների մեքենայում։ Տղամարդը, քննության տվյալներով, իր գործողությունները բացատրել է աղջկա անհնազանդությամբ։

Աղբյուր` Փաստինֆո