Փաստ ինֆո

Նիկոլ Փաշինյանի հայտարարությունները միջազգային հանրության մոտ կարող է մտայնություն ձեւավորել, որ Հայաստանը չգիտի իր սահմանները։ «Հայկական օրակարգ» քննարկման ժամանակ նման կարծիք է հայտնել «Հայրենիք» կուսակցության մամուլի քարտուղար Սոս Հակոբյանը։

«Եթե դու երկիր ես ու հասել ես մի իրավիճակի, և տարբեր աշխարհաքաղաքական բևեռները, տարբեր շահեր ու բախումներ ունեցող բևեռները նույն քո տարածաշրջանում, նույն կարծիքն են արտահայտում, ուրեմն ձախողակը դու ես։ Ձախողման պատճառը, մեղավորը և մնացածը քո տիրույթում է գտնվում»,- նշել է նա ու ավելացրել, որ իրավունք չունենք որևէ մեկի վրա մատ թափ տալու այն այն դեպքում, երբ Մոսկվայում տեղի ունեցած հանդիպմանը չարձագանքեցինք, կամ լռելյայն վերահաստատեցինք այն միտքը, որ Ղարաբաղն Ադրբեջանի կազմում է։

«Այլ ազգերի աչքերում ՀՀ-ն Նիկոլ Փաշինյանի շուրթերով ասում է, որ մենք չգիտենք, թե որն է մեր տարածքը և մեր փոխարեն դա պետք է որոշեն մեր հարևանները»,- հայտարարել է Ս. Հակոբյանը։
Նրա խոսքերով՝ քանի դեռ մենք փակված ենք այդ բաղնիքում, և մեր հարևանը որոշել է, որ նույնիսկ զուգարանը պետք է մեր տնից վերցնի, մի օր «այդ բաղնիքում գարշահոտությունից կսատկենք»։

«Խոսք հնչեց, որ Ադրբեջանի հետ կադաստր վկայականի, կամ ամուսնության վկայականի մասին, ես կարծում եմ, որ մեզ շուտով պետք կգա ծնողական իրավունքի ճանաչման որևէ փաստաթուղթ, կամ որդեգրման որևէ վկայական, որովհետև այն իշխանությունները, որոնք դեռ ամիսներ առաջ խոսում էին սուվերենությունից հրաժարվելու հայտարարությունները քրեականացնելու մասին, այսօր այդ սուվերենությունից քարը քարին չեն թողել»,- Նշել է Սոս Հակոբյանը։

Մանրամասները՝ տեսանյութում։

Աղբյուր` Փաստինֆո