Փաստ ինֆո

Մոսկվայում կայացած հանդիպմանը Ն. Փաշինյանը խոսեց այն բանի մասին, որ Հայաստանից միջանցք պահանջելը հավասարազոր է Հայաստանի ինքնիշխանության նկատմամբ ոտնձգության: Սակայն մեկնելուց առաջ Ն. Փաշինյանը հայտարարեց, որ կադաստրի վկայական չունենք. ամեն ինչ կարելի էր ասել, բայց ոչ այդ հիմարությունը, քանի որ մենք վկայական ունենք և շատ վաղուց: «ՓաստԻնֆոյի» եթերում ասել է «Ազգային ինքնորոշում միավորման» նախագահ Պարույր Հայրիկյանը:

Բանախոսի դիտարկմամբ, պատմությունն այն է, որ 1914թ. Թուրքիայի արևելյան շրջաններում հսկայական տարածք է հանձնվել հայերին որպես ինքնավարություն՝ եվրոպական պետությունների որոշմամբ: Ադրբեջանը իրեն հայտարարել է 1918-1920թթ. անկախ Ադրբեջանի իրավահաջորդ և պետք է իմանալ, որ 1920թ. օգոստոսի 10-ին Հայաստանի իշխանությունները ստորագրեցին պայմանագիր, որ Կարմիր բանակի զորքերը մտնեն Արցախ Նախիջևան, Զանգեզուր:

«Բոլշևիկյան սահմանների մասին որևէ խոսակցություն, Սովետական միության պայմաններում դրանց հղում կատարելը նշանակում է ուղղակի արմատական լուծումներից հեռանալ»,- նշեց Պ. Հայրիկյանը:

Բանախոսը այն կարծիքին է, որ այսօր, երբ Պուտինը ճանաչված է միջազգային հանցագործ՝ լավ է, որ արևմտյան երկրների գործիչները Հայաստանի նկատմամաբ ևս պատժամիջոցներ չեն կիրառում: Չնայած այստեղ մի հանգամանք էլ կա՝ իրենք որոշակի դեպքերում երկակի չափորոշիչներ են օգտագործում: Մի կողմից Ռուսաստանի դեմ պատժամիջոցներ, մյուս կողմից, փաստորեն, ռուսական գազը գնում են Ադրբեջանի միջոցով: Չպետք է իդեալականացնենք Արևմուտքը:

Մանրամասները՝ տեսանյութում:

Աղբյուր` Փաստինֆո