Փաստ ինֆո

Ոչ ոք ժամանակի հետեւից չի վազում, սակայն տեսանելի ապագայում հնարավոր է Հայաստանի և Ադրբեջանի միջև խաղաղության պայմանագրի ստորագրումը: Ռիա Նովոստիի փոխանցմամբ` այս մասին ասել է ՌԴ նախագահի մամուլի քարտուղար Դմիտրի Պեսկովը։

«Իսկապես, երեկ նախագահ Պուտինը, Ադրբեջանի նախագահ Իլհամ Ալիևը և Հայաստանի վարչապետ Նիկոլ Փաշինյանը պայմանավորվածություններ ձեռք բերեցին և հանձնարարական տվեցին, որ հաջորդ շաբաթ, այսինքն՝ մեկ շաբաթից համապատասխան փոխվարչապետները կհանդիպեն։ Հաջորդ շաբաթվա վերջին նրանք կհավաքվեն Մոսկվայում և կհղկեն առկա խնդիրները, կա հիմնարար ըմբռնում, թե ինչպես լուծել դրանք, բայց մենք դեռ պետք է համաձայնեցնենք մանրամասները»,- լրագրողներին ասել է Պեսկովը՝ պատասխանելով այն հարցին, թե, ըստ Կրեմլի, արդյոք այս հանդիպումը կարելի է վերջնական համարել մինչև խաղաղության պայմանագրի ստորագրումը։

Նա պարզաբանել է, որ կա ընդհանուր տեսակետ, կա «պետությունների ղեկավարների ըմբռնում, թե ինչպես կարելի է դա լուծել», ուստի «աշխատանքային մակարդակում այլևս չպետք է արհեստական խոչընդոտներ ստեղծվեն»։

«Ամեն ինչ մինչև վերջ վերջնական տեսքի բերելու խնդիր չկա, քանի որ գլխավորը դեռևս վերջնական արդյունքն է, այստեղ ոչ ոք ժամանակի հետեւից չի վազում: Եւ հենց այդ նկատառումներից ելնելով դժվար թե որեւէ մեկը կարող է կանխատեսել խաղաղության պայմանագրի ստորագրման կոնկրետ ամսաթիվ: Թեեւ, ինչպես ասվեց երեկվա հանդիպմանը, հանգամանքները փոխվել են շատ առումներով հայեցակարգային. ...Այս բոլոր հանգամանքները թույլ են տալիս տեսանելի ապագայում կնքել խաղաղության պայմանագիր»,- մասնավորեցրել է պետության ղեկավարի մամուլի քարտուղարը։

Աղբյուր` Փաստինֆո