Փաստ ինֆո

«Հավաքվում ենք, ոչ թե Ադրբեջանի կամ միջազգային հանրության ոչ հայանպաստ հայտարարություններին արձագանքոլու, այլ ցավալիորեն մայր հայրենիքի իշխանությունների, մեզ երաշխավորված կործանման տանող հայտարարություններին պատասխանելու»,- ասում է Գեղամ Ստեփանյանը։

«Ընդամենը մի քանի տարի առաջ անգամ ամենավատ երազում չէինք կարող պատկերացնել, որ Արցախի խորհրդարանը ստիված է լինելու գրեթե ամեն ամիս իր հայտարարություններով փորձել զսպել Արցախն Ադրբեջանի կազմին դիտարկող հայաստանյան իշխանությունների հայտարարություններին, ու դրա գործնական իրականացմանը միտված քայլերին։Սա մղձավանջ է, ոչինչ ավելի։ Սկզբից հայտարարվեց նշաձողի իջեցնելու մասին, հետո հայտարարվեց, որ Տեղ գյուղից այն կողմ Ադրբեջան է,հետո ինքնորոշման իրավունքից նահանջ կատարվեց դեպի անվտանգության մասին անհասկանալի ու անորոշ ձևակերպումների։ Իսկ այսօր Հայաստանի իշխանությունները բացահայտ հայտարարում են Ադրբեջանի տարածքային ամբողջականությունն ընդունելու մասին 86600 քառակուսի կիլոմետր տարածքով՝ ներառյալ Արցախը։Հայաստանի իշխանությունների հինգ տարի շարունակվող աճպարարություններն ու մանիպուլացիաները, սեփական ապիկարությունն ու անհեռատես քայլերը միջազգային հանրության կամ նախկինների վրա բարդելու չվերջացող զառանցանքները, մեզ ամեն օր տանում են դեպի կործանարար հետևանքներ։ Հիմա էլ ասում են իջեք հասել ենք։

Էլ ինչպես ասենք որ հասկանան։ Հայաստանի իշխանությունների նպատակներն ու գործողությունները պարզից էլ պարզ են։ Դուք սիրելի հայրենակիցներ ինչպես եք ապրելու հայրենիքը կորցրածի ու 120 000 արցախցիներին բախտի քմահաճույքին հանձնածի խարանով։Ինչպես եք արդարանալու պատմության առաջ ձեր անգործության համար։ Ամեն ինչ չափ ու սահման ունի իսկ սահմանները հատվել են վաղուց։ Դուք պետք է վաղուց հասկանայիք, որ Արցախը տանք ու պրծնենք շինծու թեզն այսօր հասել է Սյունիքին, Գեղարքունիքին, Տավուշինվայոց ձորին վաղը հասնելու է ձեր դուռը՝ խոստանալով, որ ապագա կա»։

Աղբյուր` Փաստինֆո