Փաստ ինֆո

«Փաշինյանի մտադրությունը և հստակ խոստովանությունը՝ Արցախի հանձնման  վերաբերյալ, Հայաստանում և Արցախում նոր իրավիճակ է ստեղծել», - այսօր Ազգային Ժողովի պատգամավորների հայտարարույունների ընթացքում ասել է «Պատիվ ունեմ» խմբակցության պատգամավոր Տիգրան Աբրահամյանը։

Այս մասին, այլ փաթեթավորմամբ նա բազմիցս է խոսել, սակայն, այս հայտարարությունը, կարծես, պատասխանն էր՝ բոլոր այն անձանց, ովքեր մինչև հիմա կասկածում էին, կամ չէին ուզում խոստովանել, որ Փաշինյանի՝ Արցախի հարցով բանակցությունների հիմքում, հենց, Արցախն ադրբեջանացման տանելու գաղափարն էր, ասել է պատգամավորը. «Մյուս կողմից՝ թվում է,  թե այս մասին, արդեն ամեն ինչ ասվել է՝ պատճառահետևանքային կապից մինչև դրա ամենածանր հետևանքները, սակայն հարցին այլ դիտանկյունից անդրադառնալու անհրաժեշտություն կա»։

Հիմա, երբ, ավելի քան երբևէ, Փաշինյանը պարզ հայտարարում է, որ պատրաստ է ճանաչել Արցախն Ադրբեջանի կազմում, իսկ ավելի վաղ՝ ընդգծում, որ չի վիրավորվում, երբ իրեն դավաճան են ասում, իրավիճակը շատ ավելի այլ բնույթ է ստանում, ասում է Աբրահամյանը. «Կարևոր չէ, թե ով, ինչպես այս ամբիոնից կպաշտպանվի կամ ինչ ջանասիրությամբ կկիսի այս խարանը, սակայն, պետք է գիտակցեք, որ դուք կամ ձեզանից ոմանք, ընտրություն կատարելու հնարավորություն, դեռևս ունեն։ Հիշեք՝ ոստիկանությամբ, քննիչներով, դատախազներով կամ ուղղակի գնդակահարությամբ, միայն կարող եք միայն ժամանակ ձգել, սակայն պատմությունը ջնջելու կամ սրբագրելու հնարավորություն, այլևս, չեք ունենալու։ Կանգնեք և կանգնեցրեք ձեր այն առաջնորդին, ով մի քանի տարի առաջ մեզ և հասարակությանը համոզում էր, որ Արցախը Հայաստան է և վերջ»։

Մանրամասները՝ տեսանյութում

Աղբյուր` Փաստինֆո