Փաստ ինֆո

Նիկոլ Փաշինյանն ասում էր, որ պետք է Արցախի համար ունենանք այնպիսի լուծում, որը կբավարարի Արցախի, Ադրբեջանի և Հայաստանի ժողովրդին: Փաստորեն Նիկոլ Փաշինյանն այնպես է լուծում, որը բավարարում է Թուրքիայի ու Ադրբեջանի ժողովրդին, բայց ոչ Հայաստանի ժողովրդի կամ էլ Հայաստանի ժողովուրդ ասելով նա հասկանում էր իրեն ու ՔՊ վարչախումբը: : Այս մասին Արցախի ԱԺ արտահերթ նիստին հայտարարեց Արցախի ԱԺ պատգամավոր Արթուր Մոսիյանը:

Հիշեցնենք, որ Արցախի ԱԺ-ն հրատապ հարցերի օրակարգով արտահերթ նիստ է հրավիրել՝ Նիկոլ Փաշինյանի այսօրվա հայտարարությունից հետո, թե իբրև ՀՀ-ն ճանաչում է Ադրբեջանի տարածքային ամբողջականությունը՝ 86,600 քառակուսի կմ-ով, որն իր մեջ ներառում է նաև Արցախը:

Մոսիյանը հիշեցրեց Հովհաննես Թումանյանի՝ «Չարի վերջը» հեքիաթը, ապա, զուգահեռներ անցկացնելով, նշեց, որ այսօր Հայաստանի իշխանությունները գործում են «կկովի» հոգեբանությամբ, սակայն մեկ տարբերությամբ՝ հեքիաթում կկուն միամիտ է, բայց արդյո՞ք միամտությամբ են այսքանը անում:

«Կարծում եմ՝ 2018թ. թավշյա հեղափոխությունը մեկ նպատակ ուներ՝ դավադիր ծրագիր՝ Հայաստանը մասնատելու»,- նշեց Մոսիյանը՝ հավելելով, որ, երբ այդ մասին բարձրաձայնում էին, իրենց մեղադրում էին, քաղաքական շահարկումների տանում, մինչդեռ, իրականում հասան այն օրին, ինչի մասին խոսում էին, սակայն պատմությունը կրկնվելու հատկություն ունի և պատմությունը շատ դաժան է նրանց նկատմամբ, որոնք դասեր չեն քաղում: Մոսիյանի խոսքով՝ Նիկոլ Փաշինյանին և նրա վարչախմբին դիմելն անիմաստ է, նրանցից սպասելիք և պահանջվելիք չունեն:

«Դիմում եմ մեր ողջ հայությանը՝ օր առաջ կանգնեցնելու, կտրելու այդ դավադիր ձեռքը, հակառակ դեպքում չենք ունենա ո՛չ Արցախ, ո՛չ Հայաստան»,- ընդգծեց Մոսիյանը:

Աղբյուր` Փաստինֆո