Փաստ ինֆո

«Եկեղեցու որոշ ներկայացուցիչներ անցել են վիրավորական բառապաշարի, բայց ես չեմ պատրաստվում վիրավորական բառապաշարով հակադարձել նրանց։ Ընդհակառակը՝ եթե եկեղեցու մասին իմ արտահայտությամբ ես պատեհ մեղադրանքի ֆոն եմ ստեղծել՝ իրենց հոգևոր ծառայությունը բարեպաշտ և ազնիվ կերպով իրականացնող բազմաթիվ այլ հոգևորականների նկատմամբ, ուզում եմ ներողություն խնդրել նրանցից,- այսօր հրավիրած ասուլիսին ասել է վարչապետ Փաշինյանը, անդրադառնալով օրերս Մայր Աթոռի կողմից հնչեցված պատասխանին:

Հիշեցնենք` Տավուշում դպրոցականների հետ  հանդիպմանը Փաշինյանը աղմկահարույց հայտարարությամբ էր հանդես եկել` նշելով. «եթե եկեղեցին ուզում է քաղաքական գործունեություն ծավալել, Հայաստանը ժողովրդավարական երկիր է, կարող է նաև քաղաքական գործունեություն ծավալել, ոչ մի բան չի խանգարում, որ կուսակցություն ստեղծեն ու դրա շրջանակներում նաև քաղաքական գործունեություն ծավալեն», ինչին արձագանքել էին նաեւ հոգեւոր սպասավորները՝ «Եթե ոմանք ուզում են եկեղեցագիտությամբ զբաղվել, կարող են փորձել ընդունվել հոգևոր ճեմարան, եթե, իհարկե, հաղթահարեն ընդունելության համար սահմանված կրթական շեմը և համոզիչ փաստեր ներկայացնեն առողջական բարվոք վիճակի վերաբերյալ»:

Փաշինյանն այսօր նշել է, թե վերոհիշյալ հայտարարության հեղինակներին վիրավորանքներով չեմ հակադարձի, որովհետև քաղաքական մրցակիցներին վիրավորելը ճիշտ ժանր չէ, եթե տեսնում եք՝ ես փորձում եմ այդ ժանրից հրաժարվել։

«Ես հույս ունեմ, որ հոգևոր ճեմարաններ ավարտած և բարձրաստիճան պաշտոններ զբաղեցրած բոլոր անձինք, հոգևոր ճեմանարն ընդունվելիս և ավարտելիս, բավարար փաստեր և փաստարկներ ներկայացրել են՝ իրենց հոգևոր, մարմնական, ընդհուպ մինչև՝ սեռական առողջության վերաբերյալ։ Համոզված եմ, որ ներկայացրել են, այնպես – որ՝ մտահոգվելու բան չկա»,- ասել է Փաշինյանը։

Մանրամանսերը՝ տեսանյութում

Աղբյուր` Փաստինֆո