Փաստ ինֆո

Ցանկացած պահի ինչ անում եմ կամ ասում եմ, անկեղծ եմ լինում։ Ասածիս մի մասը կարող է չափից ավելի էմոցիոնալ լինել, մի մասը՝ պարունակել տվյալներ, որոնք հետո պարզվի, որ էդքան էլ ճիշտ չեն եղել, բայց անկեղծ եմ լինում։ 2022թ ․ ապրիլին ԱԺ-ում հանդես եմ եկել ելույթով, որից հետո ընդդիմությունը մեկնարկել է Կառավարությանն անվստահություն հայտնելու գործընթաց, բայց հանրությունից աջակցություն չի ստացել, իսկ ինչ մենք արել ենք, տեղի է ունեցել մեր քաղաքացիների աչքի առաջ։ Այդ մասին այսօր հրավիրված ասուլիսին ասաց վարչապետ Փաշինյանը՝ պատասխանելով լրագրողի այն հարցին, թե արդյոք չի համարում, որ անկեղծ չի եղել իր 680 հազար ընտրողների հետ, երբ 2021թ․ ընտրություններից առաջ չի ասել, որ Արցախն Ադրբեջանի կազմից դուրս տեսնելու հնարավորություն չկա, իսկ այսօր փաստացի դա է ասում ու դրան տանում։

«Տարածքային ամբողջականության սկզբունքը դարձել է միջազգային հարաբերությունների առաջինից մինչև տասներորդ տեղը զբաղեցնող սկզբունքը։ Դրանից հետո մյուսները հերթով շարվում են։ Ինքնորոշման հարցին էլ եմ անդրադարձել և խոսել եմ նաև 1990-ականների հայեցակարգերի մասին, նաև 2007 թ․ Մադրիդյան սկզբունքներով արձանագրված հայեցակարգի մասին։ 2007-ին գուցե խորամանկ կամ խելացի կլիներ բացել բանակցային փաթեթը, բայց դա կլիներ նաև կլիներ նաև բանակցությունների ավարտ, քանի որ դա ձգան կդառնար պատերազմի համար»,-ասաց Փաշինյանը։

Նրա խոսքով՝ 2021թ․-ի համեմատ՝ հիմա աշխարհաքաղաքական իրավիճակը շատ է փոխվել և ինչ ինքն ասում է, հիմնված է այդ փոփոխության վրա։

«2018թ․ դրությամբ հնարավոր չէր լիարժեք կանխատեսել իրադարձությունների ընթացքը, եթե Հայաստանը չէր հրաժարվում ԼՂ-ն Ադրբեջանի կազմից դուրս տեսնելու տեսլականից։ Պետք է այդ տեսլականից հրաժարվեինք, որ պատերազմը չլիներ։ Դա առնվազն նշանակում էր արձանագրել մի քանի տասնամյակ հայ ժողովրդի կրած զոհողությունների անիմաստությունը»,-ասաց Փաշինյանը և հավելեց, որ կա նաև այս ամենի հոգեբանական ու բարոյական կողմը։

Լրագրողի հիշեցմանը, որ հարցն իր ընտրազանգվածի՝ 680 հազարի հետ անկեղծ լինել-չլինելու մասին էր վերաբերում, Փաշինյանը կրկին խուսափեց հստակ պատասխան տալ և ասաց

«Ես անջատում` հանուն փրկության թեմային անդրադարձել եմ 2022թ․ բյուջեի կատարողականի մասին ԱԺ-ում տեղի ունեցած քննարկումների ժամանակ։ Ասում ենք անջատում` հանուն փրկության, անջատում ումի՞ց։ Մեր պրոբլեմը միշտ եղել է դա․ մենք արձանագրել ենք բանաձևի մի հատվածը։ Մենք գնացել ենք կարգախոսների հետևից և արձանագրել իրողություններ, որոնց մասին հիմա խոսում ենք»։

Փաշինյանը նաև հայտարարեց, թե խաղաղության օրակարգը ձևավորվել է քաղաքացիերի հետ շփումների արդյունքում:

Մանրամասները` տեսանյութում:

Աղբյուր` Փաստինֆո