Փաստ ինֆո

Մենք պետք է որոշակի տերմինների մեջ տարբերակում մցնենք. Ազգ, ժողովուրդ պետություն։ Մեզանում այս խնդիրը երբեք շատ լուրջ չի քննարկվել։ Այս մասին ասել է Նիկոլ Փաշինյանը՝ պատասխանելով աշակերտներից մեկի հնչեցրած հարցին, թե ինչպես է վերաբերվում ազգային գաղափարախոսությանը։

«Ազգը ժողովրդից ինչո՞վ է տարբերվում։ Ժողովուրդը պետականաստեղծ մարմինն է, կամ այլ կերպ ասած սահմանադիր։ Հայաստանի սահմանադրությունում գրված է , որ իշխանությունը պատկանում է ժողովրդին՝ անօտարելի ձևով։
Որևէ խմբի կամ անհատի կողմից իշխանության յուրացումը համարվում է հանցագործություն ։ Ժողովուրդը պետական հասկացություն է, ազգը՝ էթնիկ։Մեր քաղաքականությունը պետք է լինի այնպես, որ ազգ և ժողովուրդ հասկացությունները ինչ- որ ձևով նույնականանան, մանավանդ, որ մենք հիմա ունենք երկքաղաքացիության հնարավորություն»,- ասել է Նիկոլ Փաշինյանը և հավելել,որ ազգային գաղափարախոսության մեջ մի քանի կարևոր հարցեր կան.

«Մենք որպես պետություն ի՞նչ մոդելով ենք ուզում ապրենք։ Մենք պիտի պատասխանենք հետևյալ հարցին. այս տարածաշրձանում ապրելու մեր հնարավորությունը և տեսլականը տեսնում ենք հետևյալ կե՞րպ, որ մենք այստեղ կարող ենք ապրել միայն կամ հիմնականում որևէ արտաքին ուժի աջակցությամբ, թե մենք այս տարածաշրջանում կարող ենք ապրել նաև ինքնուրույն։ Սա շատ սկզբունքային հարց է։
Ո՞րն է երկու մոդելի տարբերությունը։ Մենք ապրում ենք մի տանը, որի շուրջը կան էլի տներ, որոնց հետ հարաբերությունն այնպիսին է, որ մենք առանց ոստիկանության կամ այլ ուժերի ներկայության այդտեղ չենք կարող ապրել, որովհետև մենք ունենք անլուծելի կոնֆլիկտներ։ Երկրորդ մոդելով մենք որոշում ենք, որ մեր հարաբերությունները պետք է կարգավորենք կողքի տների հետ այնպես, որ, հյուր հրավիրելիս անընդհատ պրոբլեմների և կենսական սպառնալիքների ներքո չլինենք»,- ասել է Փաշինյանը ու ավելացրել. «Կարծում եմ, որ այդ ազգային գաղափարախոսության վերնագիրը պետք է փոխենք դարձնենք պետական գաղափարախոսություն»։

Մանրամասները՝ տեսանյութում։

Աղբյուր` Փաստինֆո