Փաստ ինֆո

«Հատկապես կարևոր է պարզել այն հանգամանքը, թե ինչո՞ւ է Հայաստանի Ազգային Անվտանագության ծառայությունը, որ արդեն, մեր ունեցած տվյալներով, մոտ 1 տոննա թմրամիջոց հայտնաբերել և իր վերահսկողության տակ էր առել, լռեց այդ մասին և հայտարարեց միայն այն ժամանակ, երբ Իտալիայում, դեպի Հայաստան ուղևորվող բանանի արկղերի մեջ, մոտ 2 տոնա 700 կգ կոկային հայտնաբերվեց։ Դժվար է, նույնիսկ, ասել՝ արդեն Իտալիայո՞ւմ գիտեին, որ Հայաստանում 1 տոննա թմրամիջոց է բացահայտվել, թե Հայաստանում էին տեղյակ որ այնտեղ՝ Իտալիայում բացահայտված թմրամիջոց կա, որովհետև դա թաքցնել չէր կարելի»,- «Փաստինֆո» լրատվականի հետ զրույցում ասել է «Ազգային անվտանգություն» կուսակցության ղեկավար Գառնիկ Իսագուլյանը։

«Եթե արդեն պարզվել է, որ 1 տոննա թմրամիջոցը բացահայտվել է, ապա այդ ինֆորմացիան մշակելու և տարածելու համար, ԱԱԾ-ն ունեցել է համապատասխան ժամանակ։ Խոսքն, ինչ - որ 100 գրամի մասին չէ, որ, ժողովրդական լեզվով ասած, բառիգների գործ է, այլ տոնաների։ Եթե 1 տոնա թմրամիջոց է հայտնաբերել, ապա ԱԱԾ-ն մի որոշ ժամանակ պետք է լռեր, հետո պարտավոր էր հանրությանն իրազեկեր, թե ո՞ւմ միջոցով և ինչպե՞ս է այդ գործարքը տեղի ունեցել»։

Իսագուլյանը շեշտում է՝ շատ կարոևր է պարզել՝ Իտալիայո՞ւմ իմացան, որ Հայաստանում, արդեն, բացահայտել են 1 տոննա, որից հետո իրենց մոտ որոշում կայացրեցին՝ 2 տոնա 700 կգ բռնագանձեն, որովհետև մտավախություն ունեին, որ իրենց վրա կարող էր, հետագայում, այդ ողջ ծանրությունը բարդվել, թե՞ հակառակն է տեղի ունեցել։ Ես կարծում եմ, բանան ներկրողների ցանկը Հայաստանում այնքան էլ մեծ չէ և արագ կարող են ճշտել, թե ի՞նչ մեխանիզմ է աշխատել այդ քանակի թմրամիջոցը Հայաստան մտցնելու ճանապարհին, ինչպես նաև՝ ի՞նչ մտադրությամբ է նպատակաուղղված եղել օգտագործել այդ 4 տաննա կոկայինը, այն էլ, ասում են, բարձր որակի։

Ըստ Իսագուլյանի՝ եթե թմրանյութի բացահայտման ուղղությամբ միջազգային խումբ է աշխատել, ապա Հայաստանի ԱԱԾ-ն շահագրգռված կլինի սա բացահայտել, որովհետև իր գործունեության ընթացքում սա մեծագույն նվաճում կարող է լինել։

Հ.Գ.Նշենք, որ առ այս պահը պաշտոնական մարմինները որեւէ հայտարարություն չեն արել նշված գործով ձերբակալությունների մասին, թեեւ անգամ 100 գրամ մարիխուաննա հայտնաբերելիս գրեթե բոլոր իրավապահները օրեր շարունակ հաղորդագրություններ են տարածում։

Մանրամասները՝ տեսանյութում

Աղբյուր` Փաստինֆո