Փաստ ինֆո

«Մեր էրէխեքն իրենց կյանքը տվեցին, որ մեր պետությունն ավելի ամուր ու պինդ լինի, բայց էսօր մենք տեսնում ենք, որ նույնիսկ զոհված զինծառայողի ծնողի նկատմամբ տարրական հարգանք չկա։ Այս էլ որերորդ անգամն է, որ ակտիվիստ ծնողների նկատմամբ, որոնց ուզածն ընդամենը արդարությունն է, որոշակի գործողություններ են արվում»,- ոստիկանության Շենգավիթի բաժանմունքի մոտ ասել է զոհված զինծառայողի ծնողը։

«Շատ զարմանալի էր, որ այդ ժամին Աշոտիկը հայտնվեց հենց այդ տարածքում, ես խիստ կասկածներ ունեմ, որ սա, նույնպես, սարքած էր։ Ես իրավունք ունեմ ենթադրելու, որ սա սադրանք էր- ասում է զոհված զինծառայողի մայրը,- ինքը քայլում էր, մենք մոտեցել ենք իրեն և ասել ենք, որ ուզում ենք խոսենք իր հետ։ Նույնիսկ, խոսակցությունն այնպես եղավ, որ ոչ մեկ մոտ չի գնա, մի հոգին կխոսի Աշոտիկի հետ։ Ինքը մեկան եկավ, նստեց մեքենան, նույնիսկ ես, որ ուզում էի իրենց հետ գնալ, մեր ծնողներից մեկը թույլ չտվեց, ասեց, որ ուզում է առանձին խոսի Աշոտիկի հետ»,- պատմում է ծնողը։

Անդրադառնալով խոսակցության թեմային, ծնողը պատմում է՝ Աշոտիկն ընդունել է, որ իր պապան ու մաման մեղավոր են, ասել է, որ ներողութոյւն է խնդրում նրանց փոխարեն, որ ինքը նրանց հետ կապ չունի և չի կարող նրանց փոխարեն պատասխան տալ, ասել է՝ ես ի՞նչ մեղավոր եմ.«Մենք էլ իրեն ասեցինք՝ իսկ մեր էրէխեքն ինչո։վ էին մեղավոր տարաք ու գլուխները կերաք»,- պատմում է ծնողը։

Ինչպես արդեն տեղեկացրել ենք՝ Նիկոլ Փաշինյանի ընտանիքին պատկանող թերթը՝ «ՀԺ»-ն, այսօր նյութ էր հրապարակել առ այն, թե «Որդիների կանչ» ՀԿ անդամները փորձել են առգեւանգել Աշոտ Փաշինյանին ու դրա մեջ մեղադրել զոհված զինծառայողների ծնողներին՝ հնչեցնելով անգամ անուններ։ Ավելի ուշ դեպքի վերաբերյալ հայտարարություն է տարածել նաեւ «Որդիների կանչ» ՀԿ-ն առեւանումը որակելով ապատեղեկատվություն։ Ըստ հայտարարության՝ «սեպտեմբերի 21-ի գործով հերթական դատական նիստից հետո «Որդիների Կանչ» ՀԿ-ի անդամները դատարանից դուրս գալուց պատահաբար հանդիպել են Աշոտ Փաշինյանին։

Բացառապես մայրերով մոտենալով Ա. Փաշինյանին առաջարկել են նստել իրենց իսկ մեքենան, խոսել և միասին գնալ Եռաբլուր։

Աշոտ Փաշինյանը առանց առարկումների, առանց որևիցե մեկի միջամտության նստել է մայրերից մեկի մեքենան և ճանապարհ ընկել դեպի Եռաբլուր զինվորական պանթեոն։
Այնուհետև ճանապարհին այդպես էլ մեզ համար անհասկանալի պատճառով Ա. Փաշինյանը իրեն դեն է նետել ավտոմեքենայից։

Մեքենայի մեջ եղել են միայն տվյալ հերոսածին մայրը և Աշոտ Փաշինյանը։

Մնացած բոլոր տեղեկությունները չեն համապատասխանում իրականությանը և նման ստահոդ տեղեկություններ տարածողներին միայն կասենք 1 բան, որ եթե շարունակվի դեզինֆորմացիայի լայն տարածումը, ապա ստիպված կլինենք տեղադրել տեսանյութ, որտեղ սույն երիտասարդը ինքն է իրենով նստում մեքենան»-ասվում է հայտարարության մեջ։

Հրապարակվել է նաեւ տեսանյութը, որտեղ պարզ երեւում է, որ Աշոտ Փաշինյանն ինքն է նստել ավտոմեքենան։

Մանրամասները՝ տեսանյութում։

Աղբյուր` Փաստինֆո