Փաստ ինֆո

Միջազգային հանրության ներկայացուցիչներ Եվրոպական խորհրդի նախագահ Շառլ Միշելը և ԱՄՆ պետքարտուղարի Եվրոպայի և Եվրասիայի հարցերով փոխտեղակալ Էրիկա Օլսոնը հրճվանքի մեջ են։ Առաջինը ասես մի ծանր քար ուսերից գցած լինի՝ դեռ առաջին քայլը չմարսած՝ երկրորդի՝ դելիմիտացիայի մասին է հայտարարում՝ 1991-ի Ալմա-Աթայի հռչակագրի վրա հիմնվելով․․․

Նա նշում է, որ «Հայաստանը և Ադրբեջանը հաստատել են փոխադարձ տարածքային ամբողջականության ճանաչումը 1991թ. Ալմա-Աթայի հռչակագրի հիման վրա։

Իրականում 1991-ի Ալմա-Աթիի հռչակագրի վրա հղում անելը աբսուրդի ժանրից է, քանի որ Ալմա-Աթիի հռչակագրով Հայաստանը 1991թ. Ադրբեջանի հետ հարաբերություններ չի հաստատել և այդ երկրի տարածքային ամբողջականությունը չի ճանաչել։ Ի դեպ, հենց 1991-ին Հայաստանը ճանաչել է ԱՊՀ անդամ դառնալու՝ Արցախի՛ իրավունքը, իսկ Ադրբեջանն այդ փաստաթղթին չի միացել, վերջինս 1993-ին է ստորագրել՝ այլ սահմաններով։ Այնպես որ, այս էլ որերորդ անգամ չեղած բանին են հղում անում ՀՀ և ԱՀ ներկա ղեկավարները, իսկ երրորդ կողմը, այն է՝ Եվրոպական խորհրդի նախագահ Շառլ Միշելը անգո փաստաթղթի վրա է հղում անում։ ալիևափաշինյանական զույգը խաբում է եվրոպաշտոնյային։ Կամ՝ նա սիրահոժար խաբվում է։

Եվ իբր այս մեկն իր ողջ ճշգրտությամբ ի կատար ածեցին, հիմա էլ՝ նույն անգո հղմամբ՝ հաջորդ քայլից է խոսում եվրոպական պաշտոնյան։ Ասում է՝ «Մեր հաջորդ քայլը լինելու է սահմանների դելիմիտացիան, որ սահմանված է 1991թ-ի Ալմա Աթայի հռչակագրով»։

Իրականում, ՀՀ ներկա իշխանության ղեկավարի միտումնավորությունն ակնհայտ է, հակառակ դեպքում գոյություն ունեցող բոլոր իրավական փաստաթղթերն ու հիմնավորումները վեր հանելով նա կներկայացներ իսկությունը, այլ ոչ թե՝ իրավական փաստաթղթերի և պատմական իրողությունների անտեսմամբ՝ պոպուլիստական հայտարարություններ անելով՝ Հայաստանի և Արցախի հաշվին ժամանակավոր և կեղծ ալիբիներ կստեղծեր ազարբայջանի համար

Փաստն այն է, որ չկա, գոյություն չունի որևէ փաստաթուղթ, որով Հայաստանը ճանաչում է Արցախը Ադրբեջանի կազմում, քանզի Արցախն էլ ինչպես Հայաստանը, օրինական կարգով դուրս է եկել փլուզվող Խորհրդային Միության կազմից։ Իսկ սա նշանակում է, որ Ալմա-Աթիի հռչակագիրը բացառապես ի շահ և ի նպաստ Արցախի հաղթաթուղթ է, իրավական զենք, որը ճիշտ բանակցողի դեպքում լուրջ արդյունքի կբերեր մեզ։

Հիմա գանք այսպես կոչված՝ խաղաղության համաձայնագրի ստորագրմանը, որն ըստ ամերիկացի տիկնոջ՝ էական նշանակություն ունի տարածաշրջանում խաղաղության և կայունության համար:

Այս մասին ԱՄՆ պետքարտուղարի Եվրոպայի և Եվրասիայի հարցերով փոխտեղակալ Էրիկա Օլսոնը Ադրբեջանի փոխարտգործնախարարի հետ հեռախոսազրույցի ժամանակ է ասել։

Տիկինն ընդգծել է նաև ամերիկյան կողմի մշտական պատրաստակամությունը՝ աջակցելու ազարբաջանի և Հայաստանի միջև երկկողմ բանակցություններին։

Անչափ հետաքրքիր է՝ այդ ո՞ր պետության հետ ՀՀ բանակցություններին է փորձում աջակցել սույն տիկինը։ Չէ թե՝ այն նույն ազարբայջանի, որի զինված ուժերի սպա ռամիլ սաֆարովը 2004 թվականի փետրվարի 19-ին մասնակցելով ՆԱՏՕ-ի «Գործընկերություն հանուն խաղաղության» ծրագրի շրջանակում անգլերենի դասընթացներին, թաքուն մտավ նույն ծրագրի շրջանակում Հունգարիայում գտնվող հայ սպայի՝ Գուրգեն Մարգարյանի սենյակը և կացնահարեց քնած հայ սպային:

Այսինքն, այսօր, երբ խաղաղասիրական տրակտատներ են արտասանում ոմանք, իրավունք ունե՞ն անտեսելու, փաստը, որ «խաղաղության պայմանագիր» ասվածը թուրքազերի բորենիների համար բառախաղ է ուղղակի։ Փաստերը, որ ճչում են այդ մասին, բազմաթիվ են, նախանցյալ դարից մինչև 1915-ի Ցեղասպանություն՝ Հայոց Մեծ Եղեռն, մինչև 20-րդ դարասկզբի և նույն դարավերջի Բաքվի, Սումգայիթի, Մարաղայի ցեղասպանություն՝ իրականացված ազերիների ձեռամբ, ապա՝ 21-րդ դարի ցեղասպանական պատերազմներ, որ շարունակվում են մինչ օրս․․․

Ես կնշեմ երկու հայտնի փաստ, որոնց մասին 2010 թվականի ապրիլի 27-ին ի լուր աշխարհի՝ հիշեցրեց երևելի հայ մտավորական Պերճ Զեյթունցյանը։

«Ադրբեջանցիները վայրենի ժողովուրդ են։ Սահմռկեցուցիչ բան է մարդակերությունը։ ՈՒզում եմ հիշեցնել Խորհրդային Միության Գերագույն Խորհրդում փակ նիստի ժամանակ ինչպես պաշտպանության նախարար Յազովը ելույթ ունեցավ, ասելով, թե ինչպես Բաքվում մի հայ աղջկա նրանք սպանել են, խորովել և կերել։ Չեմ հնարում, հայտնի բան է։ Մեկ այլ՝ փաստ, որ կատարվել է Մարաղայի սպանդի ժամանակ․ Սեդա անունով հայ կնոջը ադրբեջանցիները սպանել էին և տանջանքներից խելագարված ամուսնուն ստիպել, որ կնոջ միսը ուտի։ Գիտե՞ք, զարմանում եմ, որ այսպիսի փաստեր ունենալով ինչու՞ շրջանառության մեջ չենք դնում։ Նրանք Խոջալուն, որ սկզբից մինչև վերջ սուտ է, փչացած ձայնապնակի պես պտտում են, իսկ մենք սահմռկեցուցիչ փաստեր ունենք, մեկ անգամ ասում ենք և վերջ։

Ես դեռ Գորբաջովին գրեցի, թե՝ ընկեր Գորբարով, ձեր պարենային ծրագիրը չի լուծվի մարդակերության միջոցով»։

Եթե Իրանից գողացված անունով, հայկական հողի վրա ընդամենը մեկ հարյուրամյակ նստակեցության անցած ա՛յս մարդակերների ցեղախմբի հետ «խաղաղության» բանակցություններին են աջակցում կամ փորձում աջակցել արևմտյան «միջնորդները» կամ «արբիտրները», ապա անհույս է, սուտ է, կեղծիք և ձևականություն։

Ինչ վերաբերվում է Արցախի անունից հանդես գալու՝ իր իսկ խոսքով մանդատ չունեցողին, որը ՀՀ վարչապետի աթոռը զբաղեցնողն է, ապա երեկ հնչեցրած անհեթեթ մտքերը մինչ այդ ՀՀ-ում է հնչեցրել: Այն իրականության հետ ոչ մի կապ չունի, քանզի փաստական հիմք չունի: Ընդհանրապե, ալիևի և փաշինյանի հայտարարությունները ո՛չ փաստ են, ո՜չ էլ սկզբնաղբյուր:

Ա․Ե․

Աղբյուր` Փաստինֆո