Փաստ ինֆո

Քարտեզում կարմիրով նշված են այն շրջանները, որտեղ ԺՀԿ առաջնորդ Քեմալ Քըլըչդարօղլուն է հաղթում, իսկ դեղինով` Էրդողանը։

Վերջին տեղեկությունների համաձայն ընտրատեղամասերի 45.7%-ի հաշվարկի արդյունքում Էրդողանը ունի շուրջ 52.3%, իսկ Քըլըչդարօղլուն` 41.82% քվե,- ֆեյսբուքյան իր էջում գրում է քաղաքագետ Արա Պողոսյանը։

Հետաքրքիր է, որ ընդամենը րոպեներ առաջ Քըլըչդարօղլուն թվիթերյան իր օգտահաշվում գրառում էր կատարել. «Öndeyiz» — «Առջևում ենք»: ԺՀԿ անդամներից մեկն էլ կոչ էր արել ընտրողներին հավաքվել ընտրատեղամասերի մոտ քվեները պաշտպանելու համար։ Արդեն բազմաթիվ վկայություններ կան ընտրակեղծիքների մասին։

Այս ամենը վկայում է այն մասին, ու Էրդողանը հաղթելու է ամեն գնով, և այդ գինը կարող է լինել նաև ներքաղաքական անկայունության ու ներքին բախումների վտանգը։ Հետաքրքիր է նաև որ Ստամբուլի և Անկարայի քաղաքապետերը հայտարարում են, որ Քըլըչդարօղլուն է հաջորդ նախագահը։ Ակնհայտ է, որ և' ընդդիմությունը և' իշխանությունը որոշել են չզիջել։

Վստահ եմ, որ Էրդողանն անգամ կյանքի գնով պահելու է իշխանությունը, ուստի իշխանափոխության հիմնական սցենարը կմնա փողոցի միջոցով իշխանափոխության տարբերակը` Արևմուտքի գործուն աջակցությամբ»,- գրում է քաղաքագետը։

Աղբյուր` Փաստինֆո