Փաստ ինֆո

Հայաստանը ՌԴ-ից չի ստացել այն սպառազինությունը, որը պատվիրել էր ու որի համար վճարել էր: Новая газета Европа-ին տված հարցազրույցում հայտարարել է ՀՀ անվտանգության խորհրդի քարտուղար Արմեն Գրիգորյանը:

Նա նշել է, որ վերջին տարիներին աշխարհում և, մասնավորապես, մեր տարածաշրջանում անվտանգության քացաքականությունը կտրուկ փոխվել է։ Առաջ ամեն ինչ պարզ էր ու հասկանալի։

«Այսպես ասած` մտածում էինք, որ կարելի է հեռախոսով զանգահարել և ասել. «Ես խնդիր ունեմ»։ Ի պատասխան կասեն. «Լավ, հարգելիս, մենք կօգնենք»: Փորձեցինք տեսանք, որ այդ մեխանիզմը չի գործում։ Պայմանագրային պարտավորությունները չեն պահպանվում. Մեր ամբողջ անվտանգության հայեցակարգը կառուցվել էր սրա վրա, իսկ դեռ նորը չկա», -ասել է նա։

Ա. Գրիգորյանը հայտարարել է, թե այն մեխանիզմները, որոնք պետք է ապահովեին Հայաստանի անվտանգությունը, փլուզվել են, նորերը չեն ստեղծվել։ «Սա հենց ճգնաժամն է»։

Լրագրողի հարցին, թե ինչ պետք է անել, Գրիգորյանը պատասխանել է.
«Փնտրել նոր մեխանիզմներ և սպառազինության մատակարարումներ, քանի որ օբյեկտիվորեն մենք չենք ստանում այն, ինչ պատվիրել և ինչի համար վճարել ենք Ռուսաստանին»։

Դիտարկմանը, թե խոսքը 2021 թվականի հարյուր միլիոնավոր դոլարների պայմանագրի մասին է, Գրիգորյանն արձագանքել է. «Մի քանի նման պայմանագրերի մասին, դա միակը չէ»։

Աղբյուր` Փաստինֆո