Փաստ ինֆո

Նոր միտումներ ենք բացահայտել։ Ադրբեջանցիներն իրենց քաղաքականությամբ փորձում են ներկայացնել իրենց ժողովրդի առավելությունը՝ հայերի նկատմամբ, օրինակ, հայերին իրենց պաշտոնական հայտարարություններով, ելույթներում ներկայացնում են որպես «ջարդարներ», «պղծողներ», «անհավատներ» և երբ ուսումնասիրում ենք վայրագությունների տեսանյութերը, խոշտանգումներն, արդեն ակնհայտ է դառնում, որ այդ խոշտանգում կատարող ադրբեջանցիներն անգամ ոգեշնչված են ադրբեջանական իշխանությունների բառերով, անգամ այդ բառերն են օգտագործում՝ խոշտանգելիս։

Այս մասին հրավիրված մամուլի ասուլիսում ասաց «Թաթոյան» հիմնադրամի ղեկավար Արման Թաթոյանը՝ ներկայացնելով ադրբեջանական հանցավոր գործողությունների մասին վկայող՝ «Թաթոյան» հիմնադրամի և «Միջազգային և համեմատական իրավունքի կենտրոնի» համատեղ զեկույցը՝ նոր ապացույցներով։

Բացի այդ, Թաթոյանը նկատեց այլ միտում ևս, այն է՝ քաղաքացիական անձանց լայնորեն ներգրավումն է թշնամանքի, ատելության տարածմանը, այսինքն՝ օգտագործելը նրանց։ Մասնավորապես, եթե նախկինում իշխանությունների հովանավորությամբ ներգրավվում էին հանրային գործիչները, ապա հիմա ներգրավված են նաև քաղաքացիներ և այդ ատելությունը պետական հովանավորությամբ օգտագործվում է նաև քաղաքացիների շրջանում դա տարածելը։

Թաթոյանը նաև մտահոգություն հայտնեց, որ ադրբեջանական իշխանություններն օգտագործում են ամեն հնարավորություն, այդ թվում՝ ժամանակակից տեխնոլոգիաներ, օրինակ, «Google» քարտեզներով կազմակերպված փոխում են ՀՀ աշխարհագրական տարածքները, տեղանունները, ինչը ևս օկուպացիայի օրինակ է, փորձում են կարծրատիպ ներկայացնել, թե ՀՀ-ն նույնպես ադրբեջանական պատմական հողեր են, Արցախի հարցն ընդհանրապես համարում են իբրև թե լուծված։

«Վերջին նարատիվներից է, որ առհասարակ հայ ազգը քոչվոր է Հարավային Կովկասում հայտնվել է 19-րդ դարում»,- նշեց Թաթոյանը՝ հավելելով, որ դա ագրեսիվ ձևով տարածվում է քաղաքացիների շրջանում։

Աղբյուր` Փաստինֆո