Փաստ ինֆո

«Մենք աշխատում ենք խիստ ակտիվ ջանքեր գործադրել, որպեսզի բանակցային գործընթացն առաջընթաց ապահովի։ Այս ուղին երաշխիքներ է ապահովում, որպեսզի հնարավոր էսկալացիաները բացառվեն, որ կողմերը գան այնպիսի համաձայնության, որը կբավարարի Հարավային Կովկասում ապրող բոլոր ժողովուրդների շահերը»,- այսօր լրագրողների հետ ճեպազրույցում ասել է ՀՀ-ում Ռուսաստանի Դաշնության արտակարգ և լիազոր դեսպան Սերգեյ Կոպիրկինը։

Մենք մշտական կապի մեջ ենք բանակցող կողմերի հետ, ակտիվորեն առաջ ենք մղում հակամարտության խաղաղ կարգավորման ուղին, միջնորդական ծառայություն ենք իրականացնում երկու երկրների միջև և հույս ունեմ, որ մոտ ապագայում Մոսկվայում հանդիպում տեղի կունենա։ Այս մասին լրացուցիչ կհաղորդվի կողմերին, ասել է դեսպանը։

Խոսելով Արցախում խաղաղապահ գործառույթ իրականացնող զորամիավորման աշխատանքներին՝ դեսպան նշել է՝ չնայած բոլոր խոչընդոտներին, խաղաղապահ զորամիավորումը պատշաճ կերպով իրականացնում է Արցախում իրենց վերապահված աշխատանքը, նպաստելով իրավիճակի ստաբիլացմանը, այդ թվում նաև՝ Լաչինի միջանցքի բացմանը. «Մենք աշխատում ենք տարածաշրջանում եռակողմ տրանսպորտային ապաշրջափակման վերացման ուղղությամբ, ինչպես նաև՝ նպաստում Խաղաղության պայմանագրի առաջընթացին։ Ռուսաստանի Դաշնությունը բազմիցս նշել է, որ պատրաստ է գործուն քայլեր իրականացնել՝ դելիմիտացիոն աշխաատանքների ուղղությամբ։ Մենք մշտական կապի մեջ ենք երկու երկրների հետ և հույս ունենք, որ ներդրված ջանքերը կտան իրենց սպասված արդյունքները»։

Աղբյուր` Փաստինֆո