Փաստ ինֆո

Մեր ամենակարևոր նպատակներից մեկը պետք է լինի Հայաստանի տարածքային ամբողջականության վերականգնումը։ Այս մասին լրագրողների հետ զրույցում ասաց ՀՀ ԱԺ«Հայաստան» խմբակցության ղեկավար Սեյրան Օհանյանը:

«Մենք պետք է նորից բարձրացնենք մեր պայքարի ոգին և մեր ամենակարևոր նպատակներից մեկը պետք է լինի Հայաստանի տարածքային ամբողջականության վերականգնումը, ադրբեջանցիներին դուրս շպրտելը մեր տարածքներից, և Արցախի ինքնորոշման գաղափարը, Արցախի Հանրապետության ամբողջ ճանապարհը՝ հաշվի առնելով, ազատագրել Արցախի օկուպացրած տարածքները և նաև Շուշին »:
Օհանյանը հակադարձեց իշխանությունների կողմից առաջ քաշած թեզերին, ասելով, որ հայ ժողովուրդը ունի այդ ներուժը և որ խելացի գործողությունների արդյունքում մենք կարող ենք արագ վերականգնել մեր բանակը, բարձրացնել նրա մարտունակությունը և պայքարել մեր ինքնության համար:

«Ինչու՞ են ասում, որ մենք թույլ ենք, որովհետև իրենք չեն կարողանում ճիշտ գնահատել այսօրվա ստեղծած ռազմաքաղաքական վիճակը ներքին և արտաքին սպառնալիքները, որովհետև առանց այդ ճիշտ գնահատականների մենք չենք կարողանա ճիշտ որոշումներ ընդունել, դրա համար է, որ ՀՀ իշխանությունները որոշումներ են ընդունում իրավիճակից կտրված, նրանք չեն հասկանում, թե որոնք են այն գերակայությունները որոնք անհրաժեշտություն են՝ դա մեր անվտանգությունն է , դա Արցախն է»:
Անդրադառնալով՝ իշխանությունների կողմից որևէ հարգանքի տուրք չմատուցելու հարցադրմանը՝ Օհանյանը նշեց. «Մենք պետք է չնայենք՝ իշխանությունները դա անում են,թե ոչ, մենք պետք է մեր հարգանքի տուրքը մատուցենք բոլոր պատերազմների մեր բոլոր հերոսներին:Այս իշխանությունների օրոք բարոյազրկվում, որակազրկվում են բոլոր այն արժեքները,որոնք ձեռք են բերվում՝ եւ՛ պետականությունը, եւ՛ ինքիշխանությունը, եւ՛ բանակը, եւ եկեղեցին:

Օհանյանի արձանագրմամբ՝ որքան էլ իշխանությունները փորձեն քննադատել, փաստ է, որ այս 27 տարիների ընթացքում բանակցային ամբողջ ներուժ էր ձեռք բերվել, բանակցային գործընթաց էր տեղի ունեցել և դրա կենտրոնում մշտապես եղել է Արցախի անկախությունը:
«Այս պատերազմում տարված պարտության հիմնական պատճառը այն է եղել, որ բանակցային գործընթացը տապալվեց, երկիրը մտավ պատերազմի մեջ, պատերազմի ընթացքում ոչ մի բան չարվեց պետությունը ռազմական «ռելսերի» վրա դնելու, բանակին աջակից լինելու, բանակի թիկունքը ապահովելու ռազմական գործողությունների թատերաբեմում և պետության խորքում կարգ ու կանոն, օրինականություն հաստատելու համար և պատերազմից հետո ապահովելու ՀՀ տարածքնեը։ Եթե այս ամենի մասին խոսում են այսօրվա իշխանությունները ,ուրեմն հիմնական պատասխանատուն իրենք են»,- հայտարարել է Օհանյանը:

Աղբյուր` Փաստինֆո