Փաստ ինֆո

«Իշխանությունն ընդդիմախոսների նկատմամբ հետապնդման տարբեր դրսևորումներ ունի՝ մեկին բարոյական, մյուսին հոգեբանական, իրավական և այլն։ Գրիգորի Խաչատուրովն այն գործիչներից է եղել, ով մինչև վերջ   բոլոր պայմաններում զինվորին սպային և գեներալին հատուկ վարաքագիծ է դրսևորել, որը, բնականաբար, չէր կարող ընդունելի լիներ այս իշխանությունների կողմից,- լրագրողների հետ ճեպազրույցի ընթացքում այսօր ասել է  Ազգային Ժողովի «Պատիվ ունեմ» խմբակցության պատգամավոր Տիգրան Աբրահամյանը։

Առհասարակ, այն մարդիկ, ովքեր ուղիղ ու բաց խոսում են երկրում տեղի ունեցող իրադարձությունների և մեր երկրին սպասվող նոր ողբերգությությունների մասին, այլ տարբերակ, քան նրանց ազատությունից զրկելն է, այս իշխանությունները պարզապես չեն տեսնում, ասում է պատգամավորը։ Գեներալ Խաչատուրովի նկատմամբ այս հետապնդումը դրա դրսևորումներից մեկն է։

Վաշինգտոնում տեղի ունեղած բանակցությունները, ըստ պատգամավորի, ցույց են տվել, որ որևէ արդյունք չի գրանցվել.«Որքան էլ ամերիկյան կողմը փորձում էր որոշակի դրական ֆոն ստեղծել այդ բանակցությունների և դրա արդյունքների շուրջ, սրան հաջորդած շրջանում Թուրքիայից, Ադրբեջանից և Հայաստանից հնչեցված մեկնաբանութունները ցույց են տալիս, որ իրականում ռեալ արդյունք չի եղել։ Ադրբեջանը Հայաստանի գլխին իջեցրել է բավականին մաքսիմալիստական օրակարգ, որը ենթադրում է ոչ միայն Արցախի հանձնումն Ադրբեջանին,  այլև հավակնություններ Հայաստանի նկատմամբ»։

Աղբյուր` Փաստինֆո