Փաստ ինֆո

«Մենք գտնվում ենք անպետք ընտրության առջև ՝ ինչպիսի՞ խաղաղություն ենք ուզում՝ ճահճի՞, թե՞ գետի: Մեզ համար անգամ ընտրության քննարկում չպետք է լիներ, թե ինչ տեսակ խաղաղություն ենք մենք ցանկանում»,- ասել է Տավուշի թեմի առաջնորդ Բագրատ Սրբազանը:

«Միշտ ասել եմ ճահիճն էլ խաղաղություն ունի, բայց կյանք չունի, մեռած է այդ ճահիճը։Ժամանակ առ ժամանակ տորֆը կմեծանա, կմեծանա այդ ճահիճն էլ կվերանա։ Այդ խաղաղությունը, որովհետև մեր մտքով հանդարտություն էր, որտեղ այս կամ այն ձևով կյանք կար, գոնե մի քանի կանաչ էր երևում, և մի քանի գորտեր, որոնք ձայն են հանում և մեզ թվում է, թե այնտեղ կյանք կա, բայց շուտով նրանք էլ են լքելու այդ ճահիճը, որովհետև ճահիճը չորանալու է և չի ունենալու որևէ կերպով այդ պատկերը։

Եվ մյուս կողմից ինչպես մեր տերն ասում է՝ գետի խաղաղությունը՝ կյանք բերող, հաղթող, ճանապարհներ բացող, հսկայական ժայռերը կտրող, հարթեցնող ,ձևավոևող, դաշտերը ոռոգող, պտուղ տվող, բայց կռվող» ,- ասել է սրբազան հայրը և հավելել՝ «Գետն ինքն իրեն չի լինում հոսանքով է լինում, հեղեղով է լինում։ Մեր ընտրությունն այդպես է․ ինչպիսի կյանք ենք մենք ուզում ունենալ և դա է դրված այսօր մեր սեղանին։Ոչ ոք թող իրեն չխաբի»։

Աղբյուր` Փաստինֆո