Փաստ ինֆո

Միջպետական ճանապարհների միջին նորոգման աշխատանքների համար անհրաժեշտ 382 մլն դրամ ՏԿԵ նախարարությանը հատկացնելու համար բյուջեում վերաբաշխում կարվի։ Որոշումն ընդունվեց գործադիրի այսօրվա նիստում։

ՏԿԵ նախարար Գնել Սանոսյանը նշեց, որ միջին նորոգման աշխատանքների արդյունքում ճանապարհի կյանքը 7 տարով երկարում է, բացի այդ հիմնանորոգումից երեք անգամ էժան է ստացվում։

Սանոսյանի խոսքով՝ աշխատանքների մի մասն անցած տարի կատարվել է՝ մասնավորապես ասֆալտապատումն ավարտված է, մնում է գծանշում ու մի քանի այլ շախատանքներ արվեն։ Հիմնավորումից նաև պարզ է դառնում, որ նշված նախագծով Գորիսից Ստեփանակերտ ճանապարհը ևս պայամանգրով սահմանված ժամկետում չի ավարտվել, ըստ այդմ՝ ներառված է չավարտվածների ցանկում։

«ՀՀ տարածքային կառավարման և ենթակառուցվածների նախարարության կողմից իրականացվել են ստորև նշված ճանապարհների միջին նորոգման աշխատանքներ, որոնք կողմերից անկախ պատճառներով հնարավոր չի եղել ավարտել պայմանագրով սահմանված ժամկետում, մասնավորապես․

1) Մ- 12, /Մ-2/ (Գորիս) - Արցախի Հանրապետության սահման միջպետական նշանակության ավտոճանապարհի կմ4+000- կմ 20+850 հատվածի միջին նորոգման աշխատանքներ (22․07․2022թ․ NՏԿԵՆ-ՀԲՄԱՇՁԲ-2022/8Շ գնման պայմանագիր, կապալառու «Ճանշին Տեխնախ» ՍՊԸ)։

Աշխատանքների կատարման ժամկետ է սահմանվել Պայմանագիրն ուժի մեջ մտնելուց հետո 150 օր՝ 18․12․ 2022թ․։
Պայմանագրի արժեքը կազմում է 937,734,003 ՀՀ դրամ։

2022 թ․ դեկտեմբերի դրությամբ կատարվել է 902,333,003 ՀՀ դրամի չափով աշխատանք՝ ըստ ընդունված հանձնման- ընդունման ակտերի (ղեկավարվելով պայմանագրի 4-րդ կետի 4․6-րդ ենթակետի 5-րդ պարբերությամբ 2022թ․ դեկտեմբերի դրությամբ չի վճարվել 11,485,700 ՀՀ դրամ )»,-նշված է հիմնավորման մեջ»,-նշված է հիմնավորման մեջ։

Սանոսյանը նշեց, որ Սանոսյանը հայտնեց, որ նախորդ տարի միջին նորոգման աշխատանք արվել է 153 կմ ճանապարհի վրա, այս տարի նույնպես նույնքան պլանավորում են իրականացնել։

Աղբյուր` Փաստինֆո