Փաստ ինֆո

Թուրքիան երբեք Հայաստանին հավասարը հավասարին չի վերաբերվել։ Երբևէ եղե՞լ է, որ Թուրքիան մեզ հետ խոսի հավասարը հավասարի դիրքերից։ Չի եղել,- «Փաստինֆո» լրատվականի հետ զրույցում ասում է՝ ՀՀ ԳԱԱ Պատմության ինստիտուտի տնօրեն Աշոտ Մելքոնյանն, արձագանքելով թուրքական կողմի հերթական ճնշումներին։

Հիշեցնենք, որ ապրիլի 29-ին Անկարան, առանց նախնական ծանուցման, չեղյալ է համարել Flyone Armenia-ին նախկինում տրված թույլտվությունը՝ Թուրքիայի օդային տարածքով դեպի Եվրոպա թռիչքներ իրականացնելու համար։ Այսօր արդեն Թուրքիայի արտգործնախարարը հայտարարել է, որ ՀՀ-ի համար փակել են օդային տարածքը՝ Երևանում «Նեմեսիս» հուշաղբյուր- կոթող տեղադրելու պատճառով։

«Սա Թուրքիայի սովորական դարձած քաղաքականությունն է՝ Հայաստանի նկատմամբ, այստեղ նորություն չկա։ Պայմանավորված Ադրբեջանի հետ հարաբերություններով, Թուրքիան ուժի դիրքերից փորձում է ճնշում բացանեցնել մեզ վրա։ Այդ ճնշումներից մեկն էլ, օդային շրջափակման տարբերական է՝ հայկական օդանավերի արգելքն իրենց օդային տարածքով»,- ասում է ՀՀ ԳԱԱ Պատմության ինստիտուտի տնօրենը։

Բանախոսը հիշեցնում է՝ վերջին պատերազմի շրջանում մի պահ Թուրքիան կրկին փակել էր իր օդային սահմանը՝ ՀՀ-ից թռնող ինքնաթիռների համար. «Իբր, բարի կամքի դրսևորում, մի ընթացք նորից բացեցին, սակայն, նորից եմ կրկնում՝ կլինի օդային սահմանների փակմամբ, թե մեկ այլ տարբերակով՝ Թուրքիան երբեք բաց չի թողնելու առիթը՝ ճնշումներ բանացնելու ՀՀ-ի վրա, ինչքան էլ որ խոսվի սահմանների բացման կամ Խաղաղության դարաշրջանի մասին։ Թուրքիայի վարած քաղաքականությունը Հայաստանի նկատմամբ երբևէ էական կամ որակական փոփոխությունների չի ենթարկվելու ոչ մի պարագայում»,- ասել է Աշոտ Մելքոնյանը։

Աղբյուր` Փաստինֆո