Փաստ ինֆո

Հայաստանում գործող իշխանությունները 2018թ. իշխանության են բերվել 3 խնդիր լուծելու համար: Նախ, Արցախը մտնում է Ադրբեջանի կազմի մեջ և ինտերգրվում Ադրբեջան պետությանը ամեն հնարավոր ոլորտում: Երկորդ, Հայաստանում հակառուսական տրամադրությունները աճում են, որպես արդյունք՝ Հայաստանը հետագայում քայլ է անում դուրս գալու ՀԱՊԿ-ից, ԵԱՏՄ-ից և ռուսական բազան է դուրս գալիս: Երրորդը «Զանգեզուրի միջանցքն» է, որը պետք է Արևմուտքին, որպեսզի Թուրքիայի միջոցով դուրս գան Միջին Ասիա և խնդիրներ ստեղծեն Ռուսաստանի ու Չինաստանի համար: «Փաստինֆոյի» եթերում ասել է քաղտեխնոլոգ Արմեն Բադալյանը:

Բանախոսի կարծիքով, Արևմուտքի խնդիրը կայանում է նրանում, որպեսզի Հարավային Կովկասից ռուսական ազդեցությունը հեռացվի: Դրա համար մի քանի խնդիր պետք է լուծել, որոնցից մեկն էլ Արցախի հարցի լուծման այն տարբերակն է, որով դա, ինտեգրվելով Ադրբեջանի կազմում՝ ռուսական խաղաղապահների կարիք չունենա: Երկրորդ քայլը այն է, որ Հայաստանի և Ադրբեջանի իշխանությունների լուռ համաձայնությամբ նոյեմբերի 9-ի համաձայնագիրը չեղյալ է հայտարարվում և այնպիսի որոշում են ուզում ընդունել, որով Արցախը ամբողջովին մնալու է Ադրբեջանի կազմում:

«Եթե իրադարձությունները զարգանան այնպես, ինչպես ես եմ ասում, ապա դրանից տուժելու է Ռուսաստանը, որովհետև այն պահին, երբ Արցախում ռուսական զորք չլինի անմիջապես բարձրացվելու է Հայաստանում ռուսական ռազմական բազայի դուրսբերման հարցը, կամ դրա փոխարինումը ամերիկյան կամ արևմտյան այլ ռազմական կառույցով: Ուստի ռուսական քաղաքականությունը Արցախի հարցում այն է, որ առնվազն որոշ ժամանակ պահեն այնտեղի հայերին, որպեսզի սովամահ չլինեն և հնարավոր ձևերով հումանիտար օգնություն տրամադրեն»,- նշեց Ա. Բադալյանը:

Առժամանակը վերաբերվում է Ուկրաինայում ընթացող հատուկ գործողություններին, քանի որ Ուկրաինայում մոտենում են այն օրերը, երբ սկսվելու է ուկրաինական բանակի լայնածավալ հակահարձակումը: Եվ, եթե Ռուսաստանը հաղթի, բավականին մեծ գործընթացներ են տեղի ունենալու: Եվ չի բացառվում, որ Ադրբեջանը ինչպես որ դրել է իր անձնագրային ստուգման կետը՝ այդպես էլ հեռացնի և շատ լավ փոփոխություններ լինեն: Դա հասկանում են նաև Ադրբեջանում և աշխատում են մինչև հիմնական բախման ավարտը հնարավորինս արագ Վաշինգտոնում ինչ որ մի ճանապարհային քարտեզ ստորագրել:

Բանախոսը այն կարծիքին է, որ բազմաթիվ ճանապարհներ կան Հայաստանում իշխանափոխություն իրականացնելու, որոնց ծանոթ են և՛ Իրանը, և՛ Ռուսաստանը, և շատ հանգիստ կարող են այստեղ իշխանափոխություն անել: Ի վերջո չմոռանանք, որ Արցախում Ռուսաստանը դեկտեմբերին Ռուբեն Վարդանյանին նշանակեց, երբ Թուրքիան դեռ ակտիվ էր: Պարզապես հետո երկրաշարժը Թուրքիային բավականին պասիվացրեց, բայց երբ այն ակտիվ էր, եկավ Ռուբեն Վարդանյանը, որը դիմադրում էր Հայաստանի, Ադրբեջանի և Թուրքիայի դեմ: Հիմա, Ռուսաստանը Ռ. Վարդանյանին տարավ պահուստային նստարանին նստացնելու, քանի որ Թուրքիան խաղից դուրս եկավ, և մի պահ թվում էր, որ ստատուս քվոն այսպես կշարունակվի, բայց չշարունակվեց և Ադրբեջանը նախահարձակ եղավ:

«Ոչ մի երաշխիք չկա, որ այս պահին Վաշինգտոնում ստեղծվելիք ցանկացած փաստաթուղթ ուժ կունենա: Դա լավ հասկանում են թե՛ Արևմուտքում, թե՛ Ադրբեջանում, թե՛ Թուրքիայում: Եթե Ռուսաստանը չպարտվի, ապա կնքված պայմանագիրը որևիցե ուժ չունի և գոյատևելու է այնքան, մինչև Հայաստանում իշխանափոխություն տեղի ունենա»,- եզրափակեց բանախոսը:

Մանրամասները՝ տեսանյութում:

Աղբյուր` Փաստինֆո