Փաստ ինֆո

Էրդողանի մոտ գաստրոէնտերիտ չի, դա հստակ կարող եմ ասել. դա մարսողական համակարգի ոչ մի խրոնիկական հիվանդություն չի, բացի ուռուցքային հիվանդություններից։

Այս մասին ֆեյսբուքյան ուղիղ եթերի ժամանակ նշեց բժիշկ Հայկ Մանասյանը, ում դիտարկմամբ՝ Թուրքիայի ղեկավարի ախտորոշման պաշտոնական վարկածը կեղծ է ու չի համապատասխանում իրականությանը։

«Էրդողանը որոշ համաշխարհային միջոցառումներից հրաժարվել է վերջին շրջանում։ Եղել են միջոցառումներ էլ, որոնց Էրդողանը մասնակցել է իր ուղեկցի վրա հենվելով՝ սեփական ուժերով քայլելը իրեն դժվար է եղել։ Սա բերում է այն մտքին, որ այո, Էրդողանը ունի խրոնիկական հյուծող պրոգրեսիվող հիվանդություն, որը ուղիղ կապված է նրա աշխատունակության հետ, եթե ոչ կյանքի հետ»,-կարծում է Մանասյանը։

Էրդողանի որոշ արտահայտություններ վերլուծելով՝ Մանասյանը հանգել է եզրակացության, որ Էրդողանը խոսում է ոչ թե զուտ առողջական խնդիրների, այլ կյանքի տևողության մասին. «Ինքը չի ասում առողջականի հետ կապված հարցեր, ասում ա՝ իր կյանքի հետ կապված հարցեր։ Կարելի է ենթադրել, որ իր ախտորոշումը անժամանակ մահվան հիմք կարող է հանդիսանալ»։

Մանասյանի կարծիքով՝ եթե Թուրքիայի նախագահը մարսողական համակարգի որևէ օրգանի հիվանդություն ունի, ուրեմն դա բացառապես ուռուցքային կարող է լինել, որը նաև բարդություններ է տվել այլ օրգան-համակարգերին՝ մասնավորապես շնչառական. «Այդ սիմպտոմը մենք լսում ենք այդ տեսանյութում հազի ձևով»։։

Մանասյանը նաև գրել է, որ Էրդողանի վատացման տեսանյութում լսվող ձայները հազից առաջ, կարող են լինել նաև փսխման, այսինքն հետ տալու ձայներ։ Նման վատացումը ուռուցքով պացիենտի դեպքում կարող է կապված լինել քիմիոթերապիայի հետ։

Աղբյուր` Փաստինֆո