Փաստ ինֆո

«Այս իշխանությունն, արդեն 5 տարի, թուրք – ադրբեջանական տանդեմի հետ ձեռք – ձեռքի տված, ակտիվ քայլեր է իրականացնում՝ արմատախիլ անելու ամեն ազգային բան, որ կա մեզանում՝ կլինի դա սգի, ուրախության, հաղթանակի, թե ոգեկոչման տոն կամ առիթ, ավանդույթ կամ ծես։ Ծանր հարվածների տակ են, հատկապես, քաղաքական ենթատեքստ ունեցող տոները, ինչպիսին, օրինակ, Հաղթանակի տոնն էր, մեր Եռատոնը»,- «Փաստինֆո» լրատվականի հետ զրույցում ասում է «Արևմտահայոց հարցերի ուսումնասիրության կենտրոնի» տնօրեն, հայագետ Հայկազուն Ալվրցյանը։

Ազգադավ այս իշխանությունները, ըստ հայագետի, հատկապես, իրենց թիրախում են պահում նաև Ցեղասպանության պահանջատիրության և հիշատակի տոնը. «Սրանք պատվեր են ստացել՝ ամեն գնով հայ ժողովրդի մեջից ջնջել Ցեղասպանությունը։ Սրանք, արդեն, դասագրքերից, բուհերից, իրենց ելույթներից, առհասարակ՝ մեր պատմությունից են ցանկանում ջնջել ողբերգական այդ դրվագը, կարծես, նման բան չի էլ եղել։ Թրքահպատակ սրանց քաղաքականությունը տանում է ամեն սուրբ բան մոռացության տալու ճանապարհով։ Պարտականություն են վերցրել մարդիկ՝ կատարել թուրքական իշխանությունների ծրագիրը։ Սրանց հանձնարարված է ի չիք դարձնել այն, որ թուրքերը պետք է ընդունեն դարասկզբին կատարած իրենց ոճրագործությունը, որ պետք է ներողություն խնդրեն և հատուցեն իրենց կատարածի համար։ Տարիներ շարունակ, անխոնջ աշխատանքի շնորհիվ մենք հասանք նրան, որ աշխարհի շատ ու շատ երկրներ ընդունեցին Հայոց Ցեղասպանության փաստը, դատապարտեցին Թուրքիային՝ գործած ոճիրի համար, հիմա սրանք եկել ու ասում են, որ նման բան չ եղել։ Նշանակում է տասնյակ պետություններ նույնպե՞ս առ ոչինչ են դատապարտել կամ առ ոչի՞նչ է դառնում տասնամյակներ շարունակ մեր պետության կատարած աշխատանքը»,- հարցադրում է կատարում Հայկազուն Ալվրցյանը։

Վերջինս նկատում է՝ պատահական չէ, որ դավաճանական և ազգադավ այս գործընթացը ստանձնել են այս իշխանության այն առաջամարտիկները, ովքեր, հատկապես, աչքի են ընկնում իրենց տգիտությամբ. «Գիտե՞ք, ամեն ազգային և սուրբ արժեք մերժելու համար պետք է, նախ և առաջ, տգետ լինել։ Այս իշխանության շարքերում անուղեղների մի հավաքածու կա, ովքեր, հատկապես, լծված են թուրքական պատվերները կատարելու իրենց «սուրբ» գործին, որովհետև ազգային գաղափարներով դաստիարակված և սնված որևէ անհատ երբեք ձեռք չի բարձրացնի իր իսկ արժեքի վրա։ Սրանք վտանգավոր, հակազգային ուժ են, ովքեր, այս պահի դրությամբ, մեր ազգային ինքնության և պետականության թիվ մեկ սպառնալիքն են, ովքեր դպրոցական ծրագրերից հեռացնում են հայ դաստիարակելու հիմնական առանցքը, նենգափոխում են Հայոց պատմությունը, Հայ եկեղեցու պատմությունից են հրաժարվում, ազգային նշանավոր հերոսների հիշատկն են ուրանում, ովքեր իրենց շիրիմներով ազգակերտիչ հուշ են… Մի խոսք կա՝ Սուրբ մեռելների պղծումով են զբաղված սրանք։ Սակայն, այս ամենը սրանց չի հաջողելու։ Ավելի վատթար իրավիճակներում ենք եղել ու հավաքելով մեր հարվածային ուժը՝ դուրս ենք եկել հաղթանակած։ Այս անգամը, նույնպես, բացառություն չի լինելու»,- համոզմունք է հայտնում հայագետը։

Անդրադառնալով օրվա խորհրդին, հայագետը նկատում է՝ այսօր ամեն ինչ պետք է անել, որպեսզի Ջահերով երթը ոչ միայն ամենահաջող կերպով անցնի, այլև վաղվա՝ ապրիլ 24-յան օրը, հստակ մեսիջ դառնա թուրքական տանդեմի համար. «Հատկապես ապրիլի 24-ը ոչ թե սգի, այլ` ազգային պահանջատիրության և պայքարի օր է մեզ համար։ Քանի որ սրանք, նույնիսկ, եղածն են տալիս, ինչպես Շուշին հանձնեցին թուրքին, ապա ինչքան հեշտությամբ կհրաժարվեն պատմական Հայաստանի նկատմամբ մեր ունեցած արդար հատուցման և պահանջատիրության պայքարից։ Այ սա է, որ մենք, հերթական անգամ՝ այս տարի, հատկապես, առավել մեծ եռանդով պետք է թույլ չտանք»,- ասում է պարոն Ալվրցյանը։

Բանախոսը նկատում է՝պայքարի և ըմբոստության բացակայությունն է օրվա ազգադավ իշխանություններին առիթ տվել՝ այլևս առանց ամոթի և վախի, արդեն, բարձրաձայն և անթաքույց ժխտողական և ուրացող հայտարարութուններով հանդես գալ. «Այն կոչերը, թե թուրքերի հետ պետք է հաշտվել կամ որ թուրքերն են մեր փրկությունը, այսպիսի զառանցանքներ միայն կարող է իրեն թույլ տալ այնպիսի իշխանություն, որ անպատիժ է մնացել։ Սրանք անպատիժ մնացին։ Սա էր մեր մեծ սխալը, որ հանգեցրեց այս օրվան։ Անպատիժ մնալու հետևանքն է, որ հակահայ այս դավաճանն իրեն ու իր իշխանությունն Աստծու հետ է համեմատում։ Եթե իշխանությունն Աստծուց է, ինչո՞ւ 2018-ին դուրս եկար իշխանության դեմ, ողորմելի սատանա։ Մարդիկ հաճախ սատանա բառը նույնիսկ փաղաքշական իմաստով են արտահայտում, սակայն, եկեք հասկանանք՝ ի՞նչ է նշանակում սատանա…Սատանա նշանակում է հակառակորդ, սատանան Աստծո հակառակորդն է։ Սրանք իրավունք չունեն, անգամ, Աստծու անունը տալու, որովհետև սատանայապաշտ են։ Չգիտեմ, տեղյակ չեմ՝ իր իշխանությունն Աստծո հետ համեմատած այս ողորմելին թղթո՞վ գիժ է, ինչպես որ իր պատգամավորներից շատերն են, ովքեր գժի թուղթ հանելով, ազատվել են պարտադիր ծառայությունից, սակայն, ուզում եմ ասել, որ առանց թղթի, բնական գժերն ավելի վտանգավոր են։ Դրանք մոլագարներ են, ովքեր, այո, իրենց նաև Աստծո տեղ կարող են դնել, ինչը ոչ մեկ անգամ տեսանք Նիկոլի պարագայում»,- ամփոփելով զրույցն, ասում է «Արևմտահայոց հարցերի ուսումնասիրության կենտրոնի» տնօրեն, հայագետ Հայկազուն Ալվրցյանը։

Աղբյուր` Փաստինֆո