Փաստ ինֆո

Նիկոլ Փաշինյանն այսօր ԱԺ-ում հայտարարել է, թե անվտանգության ճգնաժամը եւս իր իշխանության օրոք չի ձեւավորվել։

«Մե՞նք ենք ստեղծել մեր անվտանգային համակարգի այդ ճգնաժամը: Այդ ճգնաժամը 2016-ին է եղել, դրանից առաջ է եղել: Ոչ ոք հիմա չի հիշում»,- հայտարարել է Նիկոլ Փաշինյանը ու ավելացրել. «Եվրամիության հետ ասոցացման պայմանագիր էիք ստորագրում, հետո ասոցացման պայմանագիրը մեկ օրում հանկարծ որոշեցիք չստորագրել: Արտաքին քաղաքականության մասին այդքան մեզ հայհոյում եք, ինչ ասես ասում եք, ձեզ թվում է՝ այս ամեն ինչը մոռացվե՞ց: Ի՞նչ եղավ, որ մեկ օրում որոշեցիք՝ երեք տարի, գուցե ավելի երկար բանակցել էիք ասոցացման համաձայնագիր ստորագրելու մասին, մեկ էլ մեկ օրում ամեն ինչ շրջվեց: Ի՞նչ եղավ, ինչպե՞ս եղավ, ի՞նչ էիք բանակցել, ինչպե՞ս էիք բանակցել»:

Ըստ նրա՝ ամենավատ բանակցություններով նախորդ իշխանությունները բերեցին-հասցրեցին 2016 թվականի պատերազմին: «2020 թվականի պատերազմը 2020 թվականի սեպտեմբերին չի սկսվել, 2020 թվականի պատերազմը սկսվել է 2015 թվականի օգոստոսին, 2016 թվականի ապրիլին, և չորս օր հետո կանգնել է»,- հայտարարել է Նիկոլ Փաշինյանը, ապա ավելացրել. «Ասում են՝ մայիսին եք մասնակցել: Առաջին օրն եմ զանգել, Պաշտպանության նախարար է եղել պարոն Օհանյանը, հենց առաջին օրը՝ նույն առավոտյան, Հրազդանում ընտրություններում նախընտրական շտաբի պետ էի, զանգել եմ Պաշտպանության նախարարին: Մինչև կազմակերպել են, դա էլ է արագության խնդիր: Բանակի մասին եք ասում, ասում եք՝ բանակն այսպես, բանակն այնպես, պատգամավորն ասում է՝ հայկական, թե ոչ հայկական բանակ, ասում եք՝ այս ինչ եք ասում: Իսկ համոզվա՞ծ եք, որ սխալ է ասում: Բանակի մասին եք ասում. դուք գիտեք, որ բանակի ամենակարևոր ուժը պատերազմի ժամանակ ՄՈԲ ռեսուրսն է: Ձեր նախարար լինելու օրոք քանի՞ անգամ են վարժական հավաքներ տեղի ունեցել, ի՞նչ մասշտաբով, ամեն տարի ի՞նչ մասշտաբով են տեղի ունեցել: Դրա համար էր, որ 2020 թվականին մեր ՄՈԲ ռեսուրսը ո՛չ կրակել գիտեր, ո՛չ էլ ընդհանարապես տեղում կողմնորոշվել: Սա է Ձեր ասածը: Չեմ ուզում սա ասել մեղադրանքով, իրողությունն եմ ասում»:

Աղբյուր` Փաստինֆո