Փաստ ինֆո

Մեր բանակը հայկական չի եղել, բոլորդ լավ գիտեք, որ բոլորը նստած՝ հեռախոսներով, ՍՄՍ-ներով տեղեկություններ են հայտնել այլ երկրներին: ԱԺ ամբիոնից այս նման հայտարարությամբ է հանդես եկել «ՔՊ» խմբակցության պատգամավոր, գործարար Խաչատուր Սուքիասյանը։

«Փաստինֆո»-ի հաղորդմամբ՝ այսօր արդեն 4-րդ օրն է, ինչ ԱԺ-ում քննակվում է ՀՀ կառավարության 2022 թվականի գործունեության կատարողականը։Ավելին, խոսքն ուղղելով ընդդիմությանը նա հայտարարել է, թե. «Ու ձեր ժամանակ է եղել էդ ձևի բանակ: Ու դուք էլ լավ գիտեք, որ էդ ձևի բանակ ենք ունեցել, հիմա կառուցելով գնում ենք»:

Խաչատուր Սուքիասյանն անդրադարձավ «Հայաստան» խմբակցության պատգամավոր Ագնեսա Խամոյանի ելույթին. «Հիմա գալիս է տիկին Խամոյանը, ասում է՝ «գիտեք՝ ի՞նչ, էսպես ասիք, գնացիք-եկաք, ու այդ օրը արտաքին գործերի նախարարը...»: Արտաքին գործերի նախարարությունը ՀՀ արտաքին գերատեսչությունն է, բոլոր տեղեկություններն այլ երկրների հետ, այն փաստաթղթերը, որոնք Հայաստանից դուրս կնքվում են, կնքվում են ԱԳՆ-ում: Էդ ի՞նչ արհամարհական վերաբերմունք է, թե՞ պետք է լրագրողական ինչ-որ կայքից տեղեկություն վերցնեն, հասարակությանը ասեն՝ «նայեք էս է, տեսեք՝ ինչ էին ասում, տեսեք»: Իսկ ես կարո՞ղ եմ հարց տալ տիկին Խամոյանին, 2-րդ և 3-րդ նախագահները լավ ադրբեջաներեն էին խոսում Ադրբեջանի նախագահի հետ, ժպտում էին, մի հատ կարո՞ղ եմ իմանալ՝ էդ ի՞նչ էին խոսում:

Էդ ի՞նչ ձև է, մի հատ էլ երկրին, վարչապետին ասում է՝ «էդ ի՞նչ էիք բանակցում»: Ես էլ ասում եմ՝ որ ադրբեջաներեն իրան հետ խոսում էին, հիմա թող ասեն՝ ինչ են խոսել իր հետ ադրբեջաներեն 2-րդ և 3-րդ նախագահները: Երկուսն էլ ադրբեջաներեն էին խոսում, հիմա ես էդ հարցն եմ տալիս տիկին Խամոյանին»:

Ըստ՝ քպական գործարար պատգամավորի՝ իրենք հիմա մի բան կարող են անել՝ հզորացնել տնտեսությունը. «Որ ասում ենք՝ տնտեսություն, դա նշանակում է բանակ, կրթություն, առողջապահություն, ծնելիություն: Եկեք մի հատ ծրագիր գրեք, ես էլ կոչ կանեմ, որ բոլոր հարուստ մարդիկ ֆինանսավորեն, ինչքան մարդ կա, կմասնակցենք: Ես ձեզ եմ ասում՝ որպես կուսակցություն: Եթե ուզում ես, որ Հայաստանը հզոր լինի, նախ պետք է ունենաս հզոր տնտեսություն, երկրորդը պետք է բնակչություն ունենաս, որ սահմանը պահի, արդյունաբերություն տա:

Եկեք փոխենք մեր հարաբերվելու ձեւը, հարգենք իրար: Հասկացանք, ասել ենք՝ ժողովրդավարություն, ուսում եք ասեք՝ խառոշի տղերք եք:

Աղբյուր` Փաստինֆո