Փաստ ինֆո

Երեկ տեղի ունեցածը խայտառակություն էր։ Որևէ Խորհրդարանում չեք տեսնի, որ թիկնազորը նման ագրեսիվությամբ քաշքշեն պատգամավորներին, այն էլ՝ ընդմիջման ժամանակ։ Այս մասին հրատապ ասուլիսի ընթացքում ասաց ԱԺ պատգամավոր Թագուհի Թովմասյանը։

«ԱԺ նախագահի հրամանն ապօրինի էր՝ մեզ դահլիճից դուրս հրավիրելու, երբ ինքը հայտարարեց ընդմիջում։ ԱԺ նախագահի հրամանը կատարողներն էլ իրավունք չունեին խոչընդոտելու պատգամավորի աշխատանքին, որովհետև հենց իրենց կանոնադրությամբ նախատեսված է, որ իրենք պարտավոր են չեզոքացնելու վտանգը, իսկ մենք ուղղակի կանգնած էինք, որևէ մեկի անվտանգությունը չէր տուժում։ Ստացվում է, որ մենք բախվել ենք շատ կոշտ ապօրինության և դա պետք է ունենա հետևանքներ»,- նշեց Թովմասյանը՝ հավելելով, որ բոլոր ուժային կառույցներից պահանջելու է, որ քրեական պատասխանատվություն կրեն բոլոր մարդիկ, որոնք թույլ են տվել ապօրինություններ։

«Չենք կարող հանդուրժել, որ ՔՊ-ն, որը ԱԺ-ն ցանկանում են վերածել իրենց սեփական օբյեկտի, անեն այն, ինչ ցանկանում են։ Այդպես չի լինելու, իրենք այդ կոմֆորտ զոնայում այլևս չեն կարող մնալ, սպառել են իրենց ստելու լիմիտը»,- նշեց Թովմասյանը։

Աղբյուր` Փաստինֆո