Փաստ ինֆո

ՀՀ ազգային հերոս Թաթուլ Կրպեյանը՝ Գետաշենի արծիվը, ծնվել է 58 տարի առաջ այս օրը՝ ապրիլի 21-ին, Թալինի շրջանի Արեգ գյուղում։

Կրպեյանը ԵՊՀ պատմության ֆակուլտետի չորրորդ կուրսի ուսանող էր, երբ միացավ ազատագրական պայքարին։

1990 թ. սեպտեմբերից մինչև 1991 թ. ապրիլ Թաթուլ Կրպեյանը եղել է Գետաշեն-Մարտունաշենի ինքնապաշտպանության հրամանատարը․ հյուսիսային Արցախի բնակավայրերի դեմ ադրբեջանական ՕՄՕՆ-ի զինված հարձակումներին ոչ միայն դիմակայում էին, այլև՝ հակահարված տալիս:

1990 թ. ապրիլի 30-ին՝ «Օղակ» ռազմական գործողության սանձազերծման օրը, գերի վերցնելով 17 խորհրդային զինվորականների, մեկ ադրբեջանցի ուղեկցորդի և խորհրդային բանակի գնդապետ Մաշկովին, Թաթուլ Կրպեյանը նրանից վերցրել է խորհրդային բանակի և ադրբեջանական ՕՄՕՆ-ի համատեղ իրականացրած «Օղակ» ռազմական գործողության պայմանականչերով պլանը:

«Ինչո՞ւ եք վախենում մահից։ Հողի համար ես հենց հիմա պատրաստ եմ մեռնելու՝ հողի, ազգի համար։ Ես ոչ մի անգամ չեմ գնա Երևանի օդանավակայանում իջնեմ, ասեմ՝ Գետաշենը հանձնեցի։ Ես այստեղ կմեռնեմ, այդ բանը չեմ անի…»,-ասում էր Գետաշենի արծիվը։

Հողի համար կյանքը չխնայած հերոսը հաճախակի էր կրկնում նաև հետևյալ միտքը․ «Գետաշենը կդատարկվի միայն իր դիակի վրայով»։

Ու այդպես էլ եղել է․․․

Թաթուլ Կրպեյանը զոհվել է 1991 թվականի ապրիլի 30-ին Գետաշենում` բանակցությունների ժամանակ: Նույն օրը նրա հետ զոհվել են փոխհրամանատար Արթուր Կարապետյանը և Հրաչ Դանիելյանը (Զարզանդ):

Աղբյուր` Փաստինֆո